Жұмысшыларды түлеткен орда

Қаламыздағы индустриалдық колледжді осылай деп дәріптесек артық айтқандық болмас. Өйткені, осы оқу ордасы елімізге қажетті мамандық иелерін оқытып, түлетіп отыр.

Бүгінде еліміздегі экономика және өндіріс салаларының дамуына байланысты жұмысшы мамандарға деген сұраныс күн санап артып келеді. Осыған орай елімізге өркениет әлемінің озық технологияларын меңгерген, жаңа заман талабына сай кәсіптік білімі бар, сапалы да білікті мамандар қажеттілігі туындап отыр. Осындай мамандарды даярлап отырған білім ордаларының бірі – Сәтбаев қалалық индустриалдық қолледжі.

– Біздің колледж кәсіби білім беру жүйесіндегі болашақ білікті жұмысшыларды дайындайтын, оқытатын және тәрбиелейтін оқу орны екенін мақтан етеміз. Өйткені, азаматтарды жұмысшы мамандығына даярлауда өз қабілеті мен қызығушылығына, мүмкіндігіне қарай білім беру, оларды қайта даярлау және кәсіптік біліктілігін көтеру – үлкен жауапты міндет. Біз осы үрдістен көрініп келеміз, – дейді аталмыш колледждің директоры Жұлдыз Шырдаева.

Шын мәнінде де, Сәтбаев индустриалдық колледжі тарихы терең, болашағы зор, қалыптасқан дәстүрі, шығармашыл ұжымы бар, Қазақстанның еңбек нарығына білікті жұмысшы-мамандар даярлайтын алдыңғы қатардағы даму үстіндегі аймақтағы танымал оқу орны. Білім ордасы білім берудің қазіргі тенденциялары мен дәстүрлерін негізге ала отырып, бәсекеге қабілетті, жоғары білікті және кәсіби, шығармашылық әлеуеті жоғары нағыз мамандарды дайындайды. Қазіргі уақытта колледж еңбек нарығында сұранысқа ие бес кәсіп бойынша мамандар даярлайды. Атап айтқанда, аспаз, құрылысшы, газбен және электрмен дәнекерлеуші, токарь және автокөлік жөндейтін шеберлер осы колледжден түлеп ұшып жатыр. Соңғы мамандық иелері нарық сұранысынан туындаған кәсіп иелері. Бүгінде елде көлік құралдары көп, ал оларға техникалық қызмет көрсететін мамандар тапшы. Осы мамандық бойынша оқу бітірген түлектерге сұраныс көп. Читать полностью »

Абыройымызды асқақтатты

Соңғы бірер жылдан бері қаламыздың сахнасына сән беріп, өнерсүйер қауымның құлақ құрышын қандырып жүрген өнер ұжымдарының бірі – «Кеншілер сазы» фольклорлық ұлт-аспаптар ансамблі. Құрылғаннан бері аталмыш ұжым өнер айдынында өзіндік орнын алып, тыңдармандарын қалыптастырып үлгерді. Ақмола облысында өткен «Көнеден жеткен күмбір» фольклорлық фестивалінде жерлестеріміз абыройымызды асқақтатты. Ел Тәуелсіздігінің 30 жылдығына және Қажымұқан Мұңайтпасов атамыздың туғанына 150 жыл толуына арналған шараға «Кеншілер сазы» ансамблі де қатысты.

Бурабай курорты бірнеше күн бойы төл өнердің орталығына айналып, Нұр-Сұлтан, сондай-ақ, Қостанай, Солтүстік Қазақстан, Қарағанды, Ақмола облысының шығармашылық ұжымдары мен жеке орындаушыларының басын қосты. Республикалық деңгейдегі фестивальде «Кеншілер сазы» ансамблі ерекше көзге түсті. Өнер додасының бағдарламасы өте мазмұнды болды. Одан бөлек Бурабайдың әсем жерлеріне саяхаттаған өнерпаздар қызықты кездесулер өткізіп, семинар-тренингтерге де қатысқан. Халқымыздың бай мұрасын паш еткен жерлестеріміз Байғара Сәдуақасовтың жетекшілігімен Нұрлан Керімбековтің «Сәтбаев вальсі» әнін, Ермұрат Үсеновтің «Ерден толғауын» тамаша орындады. Жағымды эмоцияға қоса дипломдар мен естелік сыйлықтарға ие болған дарын иелері алған әсерімен бөлісіп, игі іске мұрындық болған қала басшысы Асқар Ыдырысовқа, Ш.Ділдебаев атындағы мәдени-шығармашылық орталығының басшысы Индира Бақытқызына алғыс білдірді. Читать полностью »

Сәтбаев сары аймақта

Соңғы апталардағы көрсеткішке қарағанда тәжтажалдың ауқымы тарыла бастаған сыңайлы. Елдің көптеген өңірлері қызыл аймақтан шыға бастады. Соның бірі – Сәтбаев қаласы. Бүгінде қала сары аймақта. Егер тұрғындар сақтық шараларын тиянақты орындап, екпе алуда ұйымшылдықты арттырса – жасыл аймақ та қол созым жерде.

Солай екен деп арқаны кеңге салуға болмайды. Шектеу талаптары, санитарлық тазалық шаралары әлі күшін жойған жоқ. Әсіресе әлеуметтік ара қашықтықты сақтау, бетперде киіп жүру өте маңызды. Ең маңыздысы – иммундық қалқанымызды қалыптастыру. Ол үшін екпе алуда керітартпалықтан арылуымыз қажет. Читать полностью »

Бес жаңа бастама – бес жаңа бағыт

Мемлекет басшысы Қасым-Жомарт Тоқаев Парламент Палаталарының бірлескен отырысында «Халық бірлігі және жүйелі реформалар – ел өркендеуінің берік негізі» атты Жолдауын жариялап, Қазақстанның алдағы даму стратегиясын айқындап берді.

Президент өз сөзінде пандемиядан кейінгі кезеңдегі елді одан әрі дамытуға, денсаулық сақтау жүйесінің тиімділігін арттыруға, сапалы біліммен қамтуға, өңірлік саясатты жетілдіруге, еңбек нарығында тиімді экожүйе құруға, саяси жаңғыруға, адам құқығын қорғау мен ұлтты ұйыстыруға бағытталған бастамаларын айқындап берді.

– Биыл егемен ел болғанымызға 30 жыл толып отыр. Тәуелсіздік – біздің ең қастерлі құндылығымыз. Қазақстан Тұңғыш Президентіміз, Елбасының дара саясатының арқасында табысты ел ретінде бүкіл әлемге танымал болды. Ең басты жетістігіміз – біртұтас ел болып, жаңа мемлекет құрдық. Іргемізді бекітіп, еңсемізді тіктедік. Читать полностью »

Елді сүюдің ерен үлгісі

Арқалы ақын, танымал қаламгер Қуаныш Ахметов арамызда жүрсе бүгінде 75 жасын тойлап жатқан болар едік. Ырғыз бойында туып, ширек ғасыр кенді өлкемізде тер төккен дарынды азамат Ұлытаудың тарихын зерттеп, даңқын аспанға көтерді. Ұлытаудың танымал ірі тұлғаларын архив деректерімен қайта толықтырып, жалпақ жұртқа паш етті. «Ұлы даланың Ұлытауы» атты тарихи қос томдық аса құнды шығарма міне осының айғағы.

Қаламгер ағамыздың 75 жылдығына орай есімін еске алу мақсатында жақында Жезқазған тарихи-археологиялық өлкетану мұражайының көрме залында ақынның өмірі мен шығармашылығына арналған шара ұйымдастырылып, ашылу салтанаты өтті. Көрменің ашылуына Қуаныш Ахметов ағамызбен бір шахтада еңбек еткен ардагер-кеншілер, көзін көрген қаламдас достары, қала әкімшілігі мен жергілікті БАҚ өкілдері қатысты. Читать полностью »

Түнгі қаладағы балалар

Қаламызда «Түнгі қаладағы балалар» атты облыстық акция өтті. Нәтижесінде көшеде бейуақытта жүрген, кәмелет жасына жетпеген, мектеп жасындағы балалар анықталды.

Саябақтар, үйлердің аулалары мен компьютерлік клубтар сынды ойын орындары кешқұрым ювеналды полиция қызметкерлерінің басты назарында. Сақшылар аталған орындарды түнгі сағат 22:00-ден кейін аралап, бейуақытта жүрген балалардың жолын кеседі. Іс-шара аясында мейрамханалар, кафелер, дүкендер, компьютерлік клубтар сияқты жабық орындар мен көшелер, үйлердің аулалары, саябақтар жіті тексерілді. Акция барысында жасөспірімдер мен мектеп жасындағы балалардың қала көшелерінде бейсауат жүргенін анықталып, 8 әкімшілік хаттама толтырылды. Сондай-ақ, ата-аналарына ескерту жасалды. Ювеналды полиция бөлімі қала тұрғындарынан мектеп жасындағы, кәмелетке толмаған балаларының түнгі сағат 22:00-ден кейін жабық орындарда, аулалар мен көшелерде 23:00-ден кейін қараусыз жүруіне жол бермеуін сұрайды.

Еркеназ ШОҚАН.

Санақ персоналы оқытылды

Статистика департаменті 7-10 қыркүйек аралығында халық санағы үшін аумақтық статистика басқармаларының қызметкерлерін, нұсқаушыларды оқытты.

Статистика департаментінің басшысы Ж.Садыкова семинарға қатысушылардың барлық сұрақтарына жауап берді. Оқуды әлеуметтік және демографиялық статистика басқармасының басшысы Н.Дасаева және ұлттық халық санағына дайындық және өткізу бөлімінің басшысы Б.Сыздықова жүргізді. Оқу кезінде қажетті карантиндік шаралар сақталды. Теориялық курстан басқа компьютерлер мен планшеттік құрылғыларды қолдана отырып практикалық жаттығулар жүргізілді.

Ағымдағы жылдың 15 қазанына дейін ел тұрғындары онлайн режимінде sanaq.gov.kz сайтында санаққа қатыса алады. Үй-үйді аралау 1-30 қазан аралығында басталады. Мемлекеттік статистика органдары нұсқаушы-бақылаушыларды және интервьюерлерді іріктеуге кірісті.

Ұлттық статиститка бюросы.

Әр адамның қатысуы – маңызды

1 қыркүйкте ұлттық санақтың екінші кезеңі басталды. Ол 15 қазанға дейін онлайн түрде, одан кейін, 30 қазанға дейін планшет қолдану арқылы жаппай сауалнама жүргізу арқылы өтеді. Міне, осы 10 жылда бір келетін халық санағында биыл қандай өзгерістер бар? Біз оған дайынбыз ба? Халықтың белсенділігі қаншалықты деңгейде? Бүгін біз осы сауалдарды бір саралап көрмекпіз.

Баршаға мәлім, 1-30 маусым аралығында ұлттық халық санағының бірінші кезеңі өтті. Онда тұрғынжайлар, тұрғын үйлер, ғимараттар және тұрғын емес үй-жайлар тізімін жасақтау жұмысы жүргізілді. Енді екінші кезең басталды. «Қазақстанда әркім маңызды» деген ұранмен басталған бұл саяси да, әлеуметтік те маңызы бар науқанға ең бастысы, тұрғындар белсенді, әрі жауапкершілікпен қарауы тиіс. Читать полностью »

Жала жабудың жазасы

Адамның қадір-қасиетіне қол сұғылмайды. Ешкімді азаптауға, оған зорлық-зомбылық жасауға, басқадай қатыгездік немесе адамдық қадір-қасиетін қорлайтындай жәбір көрсетуге не жазалауға болмайды.
Қазақстан Республикасы Конституциясы (17 б.1,2 б)

Қазақстан Республикасы Конс­титуциясына сәйкес, адамды тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, діни көзқарасына, нанымына, тұрғылықты жеріне байланысты немесе кез келген өзге жағдаяттар бойынша ешкімді ешқандай кемсітуге болмайды. Әрбір адамның жеке басына тиісу, құқығы мен бостандығына, ар-ожданына нұқсан келтіру заңмен жазаланады. Осы орайда, ҚР Қылмыстық кодексінде 130 бап — жала жабу, 131 бап — қорлау әрекеттері қаралатын, былтырғы жылғы енгізілген өзгерістер мен толықтыруларға сәйкес жала жабу бойынша даулар кейін ҚР Әкімшілік құқық бұзушылық туралы кодексінің 73-3 бабы аясында шешілетін болды. Ал Қылмыстық кодектің 131 бабы «Қорлау» өзгеріссіз қалды. ҚР Қылмыстық кодексінің 131 бабының 1 бөліміне сәйкес, яғни басқа адамның абыройы мен қадiр-қасиетiн әдепсiз түрде кемсiткен бір жүз айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына, не бір жүз жиырма сағатқа дейінгі мерзімге қоғамдық жұмыстарға тартуға жазаланады. Ал, осы баптың 2 бөлігіне сәйкес, көпшiлiк алдында немесе бұқаралық ақпарат құралдарын немесе телекоммуникациялар желілерін пайдалана отырып жасалған дәл сол іс-әрекеті үшін екі жүз айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не бір жүз сексен сағатқа дейінгі мерзімге қоғамдық жұмыстарға, тарту жазасы тағайындалады. Қорлау жеке мәселеге жатады. Сондықтан, қылмыстық іс прокурордың немесе полицияның бастамасымен емес, тек жәбірленушінің шағымы бойынша қозғалуы мүмкін. Барлық дәлелдемені сотқа шағымданған жәбірленуші ұсынуы керек. Жеке шағымдарда тергеу жүргізіліп, жауап алынбайды. Олар дереу сотқа жіберіледі.

Сәтбаев қалалық сотына 2020 жылы 139 арыз түсіп, 11 қылмыстық іс қозғалған болса, 2021 жылда 102 арыз қабылданып, 9 қылмыстық іс қозғалып, үкім шығарылған.

Өкінішке орай, осы баптармен жазалауға болатынына азаматтар әлі де салғырт қарайды. Әрбір адам өзгені қорламас бұрын, ойланып, әрекетінің дұрыстығына көз жеткізуі тиіс.

Айжан Аукенова,
Сәтбаев қалалық сотының жетекші маманы.

Қолданылу тәжірибесі

Гендер – қоғамдағы адамның жүріс-тұрысын анықтайтын әлеу­меттік жыныс. Гендерлік саясат әйелдерге тең қол жетімділікті және өмірдің барлық салаларына қатысуды қамтамасыз етуі қажет. Қазақстан Республикасындағы гендерлік саясаттың негізгі принциптері ерлер мен әйелдер үшін Қазақстан Республикасы Конституциясымен кепілдендірілген тең құқықты және бостандықты орнатады. Қазіргі таңда гендерлік саясатқа біздің мемлекетімізде аса көңіл аударылуда. Осыған орай отбасылық саясат саласында қандай жетістіктер болды және көкейкесті мәселелер бар ма, соған тоқталып өтейік. Гендерлік стратегияны іске асырылған жылдары отбасылық-неке қатынастарында тұрған ерлер мен әйелдердің құқықтары мен мүмкіндіктерінің кеңеюінде оң динамикаға қол жеткізілді. Читать полностью »