СТРОИТЕЛЬСТВО ИДЁТ ПОЛНЫМ ХОДОМ

В минувший четверг в рамках рабочей поездки по Жезказган-Улытаускому региону аким Карагандинской области Женис Касымбек побывал в нашем городе.

В сопровождении главы города Аскара Идрисова, директора по развитию ТОО «Корпорация «Казахмыс» Бахтияра Крыкпышева Женис Махмудович посетил в горняцком городе ряд строящихся объектов.

В самом начале глава региона ознакомился с ходом строительства пяти 5-этажных домов в микрорайоне «Нұрлы мекен», предназначенных для переселенцев из поселка Жезказган и возводимых подрядной организацией – ТОО «Самга» – в рамках Комплексного плана развития городов Жезказган, Сатпаев и Улытауского района на 2019-2020 годы. Три дома завершены, оставшиеся два на подходе, готовность составляет 85%. Всего в пяти домах 240 квартир. Читать полностью »

Шағынмаркет ашылды

Өткен аптаның соңын ала қаламыздағы «Нұрлы мекен» шағынауданында жаңадан салынған шағынмаркет ашылып, сауда жасауға кірісті. Екі ай елдің дегбірін қашырған коронавируске қарсы төтенше жағдайдан кейінгі алғашқы қуанышты сәтті шағынауданның жұртшылығы шат-шадыман қарсы алды.

Осыдан бірер жыл бұрын Кеңгір кентінде ашылған «Ұлы Дала» супермаркеті қанаттас жатқан қос қаланың жұртшылығы жиі жиналатын сауда орнына айналған еді. Осындай дүкен екі қаладан да ашылса деген елдің арманы да жоқ емес-тін. Міне, сол арман бүгінде орындалып, елді қуанышқа бөлеп отыр. «Қазақмыс» корпорациясының демеушілігімен салынған «Ұлы Дала» супермаркеті бүгінде ірі сауда желісіне айналды. Сәтбаев және Жезқазған қалаларының әрқайсында шағынмаркеттер салынып, солардың алды бүгінде ел игілігіне берілуде.

Шағынмаркеттің ашылу салтанатына қала әкімі Асқар Ыдырысов пен «Қазақмыс коппер» акционерлік қоғамының басқарма төрағасы Бақтияр Қырықпышев арнайы қатысып, шағынмаркеттің лентасын қиып, жұртшылықты қуанышты сәттерімен құттықтады.

Лауазымды тұлғалар елдің әлеуметтік жағдайын жақсарту жолында билік пен бизнес бірлесіп түрлі жобаларды жүзеге асыратынын жеткізді. Қазірдің өзінде қанаттас жатқан қос қалада «Ұлы Дала» сауда жүйесінің он-оннан шағынмаркеттерінің пайдалануға беріліп жатқанын айтты. Осы мамыр айының соңына дейін Сәтбаев қаласында осындай төрт сауда орны ашылмақ. Күзге дейін қалада барлығы он «Ұлы Дала» шағынмаркеті жұмыс істейтін болады.

Орайы келгенде айта кетейік, шағынмаркетте әлеуметтік маңызы бар тауарлар мен азық-түлік, нан-тоқаш өнімдері, жеміс-жидек халыққа қол жетімді бағамен сатылатын болады. Мұнда, сондай-ақ, арнайы әлеуметтік сөре де жабдықталған.

Ізтай БЕЛГІБАЙҰЛЫ.
Суретті түсірген автор.

Кітапханаға Баубек есімі берілсе…

Ұлы Отан соғысы жылдарында ұлттық әскери әдебиеттің дамуына үлес қосқан жауынгер жазушы Баубек Бұлқышев еді. Әдебиетте жарқ етіп көрініп, тез сөнген, жастай кеткен Баубек Бұлқышев Қарағанды облысының Ұлытау өңірінде, қазіргі «Аманкелді» кеңшарында 1916 жылы туған. Балалық дәуірдің балғын бесігінен жаңа аттаған шағында Баубек әуелі шешесінен, артынан әкесінен айырылып, жетім қалады. Алғашқыда ауыл мектебінен оқып сауатын ашады. Бұдан былайғы оқуына жақын туысы мұғалім Сейтжан Смайлов көп ықпал жасайды. Баубек жастайынан алғыр, өжет боп өсті. Сейтжан ағасының көмегімен 1932 жылы Қарсақбай заводындағы фабрика завод училищесіне келіп оқуға түседі. ФЗУ-ды бітіргеннен кейін Баубек 1933-1934 жылдары «Ұлытау» совхозында түрлі шағын қызметте болады. Осы уақыттан бастап ол көркем әдебиетті құмарта оқиды. 1935 жылы тамыздың орта кезінде Баубек оқу іздеп Алматыға келеді. Институтқа түсерлік тиісті білімі болмағандықтан, техникумдардың бірін қалауға тура келеді. Өзімен бірге келген ересек жолдастарымен есеп экономика техникумының даярлық курсына түседі. Оның оқуға, өмірге деген құштарлығын мына өзі жазған хаттарының біреуінен байқауға болады. Читать полностью »

Қала әкімінің орынбасары тағайындалды

Сәтбаев қаласы әкімінің өкімімен Дәуір Қойшығараұлы Жүнісбеков қала әкімінің орынбасары болып тағайындалды. Осы уақытқа дейін Жезқазған поселкесінің әкімі қызметін атқарып келген жаңа орынбасарын Асқар Ыдырысов аппараттық мәжілісте таныстырды.

Дәуір Қойшығараұлы еңбек жолын 2000 жылы «Қазақмыс» корпорациясының «Рудстрой» құрылыс басқармасында шебер болып бастаған. 2003-2013 жылдар аралығында банк жүйесінде маман, филиал басшысы қызметтерін атқарған. 2014 жылдан бастап мемлекеттік қызметте. Ал, 2019 жылдан бастап бүгінгі күнге дейін Жезқазған кентінің әкімі болды.

– Өздеріңіз білесіздер, 2013 жылдан бері қаламыз түрлі деңгейлердегі ұлттық және халықаралық жобаларға қатысып келеді. Бұл негізінен энергия үнемдеу мен тиімділігін арттыру мақсатындағы «жасыл энергияға» негізделген жобалар. Міне, осы ілкімді істің басы-қасында Дәуір Қойшығараұлының жүргенін де жақсы білесіздер. Оның тікелей қатысуымен көптеген іс-шаралар нәтижелі өтіп, біздің қаламыз осы жобаға қатысушы қалалар арасынан ең үздік деп танылды.

Дәуір Қойшығараұлы өзінің іскерлік қабілетін осы салада да көрсетіп, жұмысын жандандыра түседі деген сенімдемін, – деді Асқар Абылайұлы орынбасарын таныстыра келіп.

Ізтай БЕЛГІБАЙҰЛЫ.

СЕЗІМ ЖАС ТАЛҒАМАЙДЫ

Әңгіме жас айырмашылығына қарамастан, шынайы сүйіспеншілік сезіміне шомылған жұп жайлы. Әрине, махаббатқа «мас болған» ондай-ондай кез-келген кезеңде кездеседі. Біз қазақтың бес зиялысына тоқтадық. Читать полностью »

Мерейлі Отбасы

Ержан Аманжолұлы мен Жанерке жеңгеміздің шаңырақ көтергеніне биыл 28 жыл толыпты. Қызығы мен қиыншылығы қайнаған өмір жолында жанұяның түтіні алғашқы күннен түзу ұшқан. Осы мерейлі отбасынан алты балапан түлеп ұшып, алды үлкен өмірге қанатын жайды. Үйдің үлкені Мейрам жауапкершілікті сезіне білетін азамат болып ер жетті. Бүгінгі таңда екі бала сүйіп, Ержан аға мен Жанерке жеңгемізді «ата-әже» атандырып, қуанышқа бөлеп отыр.

Шаңырақтарына келіп қонған құт келін Эльмира да жаңашылдық пен білімге құштар жан. Қаламыздағы жас бүлдіршіндердің интеллектуалды және заманға сай білімді болып өсуіне септігін тигізетін ISMA Халықаралық мектебінің негізін салушылардың бірі. Мейрам ағасының артынан ерген іні-қарындастары да білікті маман иегерлері. Бауырлар арасында бір-біріне деген сыйластық, қолдау, татулық ерекше көрініс тапқан.

Үлгілі отбасы – ұлттың ұйытқысы. Мұхтар Әуезов «Ел боламын десең, бесігіңді түзе» дейді, яғни бүгінгі біздің тәрбиелеп отыр-ған ұрпағымыз, ертеңгі жердің иесі, елдің иесі. Сондықтан, қазақ халқының болашақ тарихына әрқайсымыз жауаптымыз. Саналы да салиқалы, ұрпақ тәрбиесін бірінші орынға қоятын Ержан ағамыздың отбасындай шаңырақ көбейе берсін.

Айнаш БЕГІМ.

Бастаманы жалғастырды

Қасиетті Рамазан айында «Қазақмыс» корпорациясы» ЖШС жанындағы ақсақалдар алқасының төрағасы Абулаис Мулаков С.Ошақұлы мешітінде жақсылық жасаудың үлгісін көрсетті.

– Ерекше күтімді қажет ететін, мүмкіндігі шектеулі балаларға, аз қамтылған бір отбасыға 70 000 теңге табыстадық. Кіші мешіттің садақа жәшігіне 20 000 теңге салдық. Бұдан бөлек, Байқоңыр елді-мекенінде салынып жатқан мешіттің құрылысына туған-туыстың атынан 300 000 теңге қаражат аудардық. Былтыр осы мешітке 200 000 теңге аударған болатынбыз. «Жалғыздың үні шықпас, жаяудың шаңы шықпас» демекші, бұл шаруа тек менің тарапымнан атқарылып жатқан жоқ. Бұл игі бастамаға қыпшақ руынан тараған Есенғұл, Шоқанай, Бажақ елінің ұрпақтары атсалысты, – дейді А.Мулаков.

Жақсылықты жария қылудағы мақсат – болашақ ұрпақ үлгі алып, сауабы мол іске септігін тигізсе деген ниет. Қайырымдылық – ізгіліктің анық көрінісі, адамның асыл қасиеті. Адамның тамаша қыры қаншалықты қайырымды екенінен байқалады.

Алтынгүл ТӨЛЕГЕНОВА.
Сурет автордікі.

Бірлескен ел бәрін жеңеді

Тұтқиылдан төнген жаман індет барша адамзатқа қауіп-қатер төндіруде. Қазірдің өзінде дүние жүзі бойынша миллионнан астам адам осы дертке шалдығып, ондаған мың адамның өмірі қиылды. Сондықтан, әлем болып жұмыла дертке дауа іздеп, бүгінгінің ақыл-ойы мен ғылым-білімнің жетістігін ортақ мақсатқа жұмсап, ынтымақтаса қам-қарекет қарастыруда. Ұлт саулығы сынға түскен қатерлі кезеңде сабыр етіп, індеттің кең етек алып кетуіне жол бермеуіміз қажет. Читать полностью »

Білім беру нысандары жөнделмек

Президент тапсырмасы бойынша қаламызда «Жұмыспен қамтудың Жол картасы – 2020-21» инфрақұрылымдық жобасын жүзеге асыру жұмыстары басталды. Аталмыш бағдарлама аясында білім беру нысандарына күрделі жөндеу жұмыстары жүргізіліп, азаматтар жұмыспен қамтылады.

Қалалық білім бөлімінің басшысы Берік Ақышбековтың айтуынша, 7 білім беру нысаны жөнделмек. Осы бағытқа 1 068 172,0 мың теңге бөлінген. Оның ішінде мектепке дейінгі 3 мекеменің жөндеу жұмысына 890 млн.705,0 мың теңге, ал, жалпы орта білім беру нысандары үшін 177 млн.467 мың теңге бөлінді. Сметалық жоба бойынша мектепке дейінгі 3 мекеменің шатыры ауыстырылып, жертөлесі жөнделіп, есік-терезесі жаңаланбақ. Әрлеу жұмысымен қатар, жылу, су, кәріз құбырлары, желдету мен өртке қарсы дабыл жүйелері қалпына келтіріледі. №29 «Балдәурен» балабақшасының жөндеу жұмыстарына 388 млн.352 мың теңге бөлінді.

Алдағы уақытта аталмыш бағдарлама аясында 97 жұмыс орны құрылады. 49 штат жұмыспен қамту орталығы арқылы ашылмақ. №31 «Балапан» балабақшасы үшін 372 млн 353 мың теңге бөлініп, 93 жұмыс орны құрылады. 47 азамат жұмыспен қамту орталығы арқылы жұмыспен қамтамасыз етіледі. №26 «Қарлығаш» балабақшасына 130 млн. теңге бөлінді. Бұл бағытта 33 жұмыс орны құрылып, 16 азамат жұмысқа орналастырылмақ.

– «Мемлекеттік сатып алу басқармасы» арқылы мемлекеттік сатып алу конкурстары өткізіліп, «Құрылыс» ЖК, «Самға» ЖШС және «KZ ЦЕНТР» ЖШС жеңімпаз болып танылды. Бүгінгі таңда мердігер компаниялармен күрделі жөндеу жұмыстарын жүргізу үшін шарт жасалды. Сондай-ақ, жұмыспен қамту орталығымен келісім-шарт жасалмақ. Жалпы, ашылатын 223 жұмыс орнының 112-і жұмыспен қамту орталығына тиесілі, – дейді Берік Базылұлы.

Алтынгүл ТӨЛЕГЕНОВА.Сурет автордікі.

Отбасылар онлайнда

Елімізде енгізілген төтенше жағдай режимі әбігерге салғанымен, кей отбасы үшін уақытты бірге өткізуге, ойға алған істеріңді жоспарлауға таптырмас мүмкіндік бергені мәлім. Карантин жарасымын тапқан жұптардың үйде де өзінің көпке үлгі отбасы екендігін ұғындыруға септесті. Жуырда сол отбасылар Ш.Ділдебаев атындағы мәдениет және шығармашылық орталығы ұйымдастырған онлайн байқауларға қатысып, бос уақытын бірге әрі қызықты етіп өткізуде белсенділік танытты. Желіде «жұлдыз» атанған жанұялар 15 мамыр – Халықаралық отбасы күнінде марапатталып, ең үздік отбасылар анықталды.

Абайды ұлықтады

Ш.Ділдебаев атындағы мәдениет және шығармашылық орталығының ұжымы төтенше жағдай кезінде де қала жұртшылығына әлеуметтік желілер арқылы үндеу жолдап, барынша қолдау білдіріп келеді. Ел басына түскен қысылтаяң шақта кенді өлке тұрғындары үшін қызықты әрі танымдық сипаттағы онлайн байқаулар ұйымдастыруға кірісті. Алдымен Абай Құнанбайұлының 175 жылдық мерейтойына арнап ақынның өлеңдері мен әндерін орындаудан өткізілген «Абай time» сайысы желі қолданушылары арасында қызығушылыққа ие болды. Байқауға қатысқан отбасылар ұлы ойшылдың шығармашылығына ден қойып, әндерін орындады.

Сайысқа қатысқан 9 отбасы да орталық атынан Алғыс хат пен ақынның кітаптарын сыйға алды. Аналарымен бірге ән айтып, өлең оқыған Ұлжан Кәрім, Бақдәулет Сұлтанғали, Салтанат Шынтемір секілді жас өрендер жүлделі орындарды өзара бөліссе, байқауға тұтас әулетін жұмылдырып қатысқан Ділдебаевтар әулеті Бас жүлдені жеңіп алды. Әулеттің намысын қорғаған Жайна Ділдебаева сайыстың тағылымы мол екендігін сөз етті.

– Байқау екі кезеңнен тұрды. Бірінші кезеңде ақынның бір өлеңін жатқа оқысақ, екінші кезеңде отбасы мүшелерімен бірге әнін орындау міндеті тұрды. Бейнероликтерді әлеуметтік желілерге жүктедік. Ең көп оқылып, лүпіл жинаған роликтер жеңіске жетті. Бұл біріншіден Ұлы Абайға деген құрмет, жалпы өлеңге деген құрмет болса, екіншіден отбасын ымыра-бірлікке, татулыққа шақыруға үндейтін байқау деп түсіндім. Ұйымдастырушыларға алғысымыз зор, – дейді Жайна Ділдебаева. Читать полностью »