Жылжымайтын мүлікті мемлекеттік тіркеу

Мемлекеттік қызметті жүзеге асырудың заңнамалық негізі – Қазақстан Республикасының «Жылжымайтын мүлікке құқықтарды мемлекеттік тіркеу туралы», «Жылжымайтын мүлік ипотекасы туралы», «Мүлікті заңдастыруға байланысты амнистия туралы», «Тұрғын үй қатынастары туралы», «Қазақстан Республикасындағы сәулет, қала құрылысы мен құрылыс қызметі туралы» және 2000 жылғы 27 қарашадағы «Әкімшілік рәсімдер туралы» № 107-ІІ заңдары болып табылады.

Мемлекеттік қызмет аумақтық әділет органдарымен (уәкілетті орган) халыққа қызмет көрсету орталықтары арқылы (ХҚКО) көрсетіледі. Мемлекеттік қызмет көрсету үдерісі үш кезеңнен тұрады.

ХҚКО қызметкерлерінің құжаттарды қабылдау кезіндегі әрекеттері және оларды уәкілетті органға жіберу.

ХҚКО-дан алынған құжаттарды өңдеу, қорытынды құжаттар жасау және оларды ХҚКО-ға жіберу.

ХҚКО қызметкерлерінің қорытынды құжаттарды беру кезіндегі әрекеттері. Мемлекеттік қызмет көрсету үдерісіндегі әрекеттестік тәртібі Стандарт және Регламентпен бекітілген.

Қажетті құжаттар тізімі: Қазақстан Республикасы азаматының паспорты, жеке куәлік, шетелдіктің Қазақстан Республикасында тұруына ыхтиярхаты, азаматтығы жоқ тұлғаның куәлігі және оның көшірмесі, босқын куәлігі, оның көшірмесі, бекітілген нысандағы мемлекеттік тіркеу туралы өтініш, тіркеу объектісін растайтын құқық беруші және басқа құжаттар, жылжымайтын мүліктің техникалық паспорты немесе жер учаскесіне сәйкестендіру құжаты, мемлекеттік қызметке ақы төленгенін растайтын құжат; мемлекеттік қызметке ақы төлеуден босату немесе жеңілдіктің болуын куәландыратын құжат.

А.Бекжигитова, Сәтбаев қаласының ХҚКО-ның бөлімінің испекторы.

Комментарии закрыты.