«Байланыс биржасы»

Экономикалық сауда байланыс биржасын ұйымдастыру мақсатында өңірімізге Словакиядан елшілік келді. Іскерлік қарым-қатынасты орнатуға Қа­­ра­ғанды өңірінен 70-тен аса акционерлік орталықтар қызы­ғу­шылық танытқан.

Делегацияның басшысы, іс­керлік сапарды ұйымдас­тыру­шы – Словакия Республикасы Халық кеңесі төрағасы Павел Пашка. Өкілдер Қарағанды облысының индустриялды-экономикалық өн­ді­ріс ошақтарына қызығушылық танытты. «Байланыс биржасы» форматында екіжақты келісім жүргізу барысында Словакия республикасынан орталық өңір­дің экономикасына талдау жасап, өңі­ріміздің біраз серіктестік компанияларымен келісімшарт орнатты.

Делегация құрамындағы 28 компания әр салада өз өнім­дерін жарнамалады. Байланыс орнатуда өндіруші компания­лар тарапынан сұранысқа тү­­суші салалар энергетика, альтер­нативті энергетика, құ­рылыс ісі, машина жасау өнер­кәсібі, қорғаныс өнеркәсібі, темір жол байланыстары бас­ты назарда. Экологиялық тех­­но­ло­гиялар, хрустальді өнімдер шығару өндірісі мен қатар арнайы аяқ киімдер шы­ғару­шы компанияларға сұра­ныс жоғары екенін ерекше ескертті. Жиын барысында Сло­вакия елшілігімен екіжақты келісімге қол қойылды. «Шахтинск Жылу Электр Орта­лығы» модер­низациялық өнер­кәсібі мен Словакия Респуб­ликасының «ФОТОВОЛЬТ Ко­­шице» акцио­нер­лік қоғамы іс­кер­лік байланыс орна­тты. Іс жүр­гізуде «IEG «ISTROENERGO GROUP» және «Шахтинскэнерго» ЖШС екіжақты келісім арқылы өнім­дерін нарықтық өндіріс­ке бір­лесе ұсынатын болады. Со­нымен қатар, өзара ынтымақ­тастықты орнатуда Саран қа­ласы және қалалық әкімшілік арасында «Ко­шице Фотовольт» акционерлік қоғамымен байланыс орнатуда екіжақты келісімге қол қойылды.

Интернет материалдарының негізінде дайындалды.

Комментарии закрыты.