Біріншілік жүлдесі өрт сөндірушілерде

20131206_20_021 желтоқсан – Қазақстан Республикасы Тұңғыш Президенті күніне орайластырылып өткізілген волейболдан қалалық біріншілік мәреге жетті. Қаладағы мемлекеттік қызметкерлер арасында өткен бұл сайысқа 8 құрама топ қатысып, бақ сынады.

Салауатты өмір салтын насихаттап, спорттың осы түрін дамыту бағытында ұйым­дастырылған бірін­шіліктің ІІІ орнын мәдени-спорттық сауықтыру орталығының командасы иеленсе, ІІ орынды қалалық әкімдік қызметкерлері жеңіп алды.

Төрешілер №44 өртке қарсы қызмет мекемесі мамандарынан құралған топтың ойын барысында көрсеткен кейбір ерекшеліктерін ескере келе, ұжымды біріншіліктің жүлделі І орнымен марапаттады. Сонымен қатар, ойында ерекше көзге түскен кейбір жекелеген ойыншылар да марапатқа ұсынылды.

Барлық жеңімпаздар ұйымдастырушылар тарапынан бағалы сыйлықтарға ие болды.

Бағдат Қазкенов. Сурет автордікі.

Комментарии закрыты.