Рубрика: Разное

Жасыл желек – қала көркі

Пятница, 11 Июн 2021

Сәтбаев қалалық мәслихат депутаттары қаладағы ағаштар мен гүлзарларды суару, абаттандыру жұмыстарын қадағалау мақсатында рейд жүргізді.

Халық қалаулылары қала көшелерін аралау барысында аталған жұмыстарға жауап­ты мердігер ұйым өкілдерімен кездесті. Рейдке «Сәтбаев қалалық жылумен, сумен жабдықтау кәсіпорыны» ЖШС мен тұрғын үй коммуналдық шаруашылық бөлімінің мамандары қатысты.

Аралау кезінде депутаттар жасыл желектерді суаруға арналған тіршілік көзінің мөлшерін, оған қажетті арықтардың болуын, суару жұмыстарының жиілігін тексерді. Кеншілер қаласындағы Сәтбаев даңғылы, Ұлытау, Мәңгілік ел көшелерінің көгалдандыру жұмыстарына баса назар қойған мәслихат депутаттары былтырғы жылмен салыстырғанда биыл атқарылған жұмыстардың арқасында оң нәтижелер байқағандықтарын жеткізді.

Халық қалаулылары жүргізген рейд барысында көгалдандыру жұмыстарына байланысты кемшіліктер де көзге ілікпей қалған жоқ. Мәселен «Тәуелсіздік», «Шахтер» скверлері маңындағы жаңадан отыр­ғызылған жасыл желектердің күтімсіз қалғандықтан, өскіндер қурап тұрғанын көріп, жауапты ұйымдарға сын-ескертпелер айтты.

Еркеназ Шоқан.
Суреттер автордікі.

А.Балаева: «Журналистиканың «ең құрметті мамандық» мәртебесін қайтаруымыз керек»

Пятница, 11 Июн 2021

Ақпарат және қоғамдық даму министрі Аида Балаева журналистердің біліктілігін арттыру үшін қандай шаралар жасалғанын айтты, деп хабарлайды ҚазАқпарат.

«Жасыратын несі бар, соңғы жылдары тек Қазақстанда ғана емес, көптеген әлем елдерінде кәсіби БАҚ шетте қалып қойды. Сұраныстың жоқтығы көзге ұрып тұрды, мұның себебін журналистердің өзі де жете түсіне алмады. Журналистер мамандығын тастап, басқа салаға кетуге мәжбүр болды – фриланс, пиар, блогер. Мен талай рет айттым және тағы да қайталаймын: кәсіби журналистика – таңдау­лылардың, өз ісіне жанашыр, батыл және мықты адамдардың кәсібі. Және біз оған ең құрметті мамандықтардың бірі деген мәртебені қайтаруға міндеттіміз», – дейді Аида Балаева «Sputnik Қазақстан» порталына берген сұхбатында.

Ақпарат министрі бейінді факультет түлектерінің деңгейін көтеру, жұмыс істейтін кадрлардың біліктілігін арттыру және салалық, өңірлік журналистиканы дамыту сынды бірқатар шара жасалғанын атап өтті. «Қазір пандемиядан туындаған кейбір қиындықтарға қарамастан, біз бейінді жоғары оқу орындарымен етене ынтымақтаса жұмыс істеп жатырмыз: студенттерге елдің үздік редакцияларында практикадан өтуге мүмкіндік береміз, отандық және Түркия, Ұлыбритания, Ресей сияқты шетелдік журналистиканың корифейлерімен семинар өткіземіз. Жыл басынан бері медицина, діни және экология журналистикасы бойынша үш оқыту курсы өткізіліп, елдің барлық өңірінен 4 мыңға жуық адам қамтылды. Бұл – болашақта кеңейтіліп, жетілдіретін ұзақ мерзімді жобалар», — деді ведомство басшысы. (далее…)

Қауіп әлі де сейілген жоқ

Пятница, 11 Июн 2021

Қалалық әлеуметтік сала бөлімінің берген мәліметіне қарағанда 5 маусым күні коронавирус инфекциясын жұқтырған 4 адам тіркелген. Мамандар Сәтбаев қаласында жағдай тұрақты болғанымен қауіптің әлі сейілмегенін айтады.

– 5 маусым күні коронавирус індетін жұқтырған 4 адам тіркелді. Оның біреуі жұмыскер, біреуі оқушы, ал қалған екеуі студенттер. Сондай-ақ, бір адамда аурудың клиникалық белгілері болса, үшеуі – симптомсыз. Облыстың Бас санитар дәрігерінің қаулысына сәйкес бірқатар нысандарға жеңілдіктер беріліп, жұмыстарын жалғастырып жатыр. Дегенмен, тұрғындарға әлі де қауіптің сейілмегенін айтқымыз келеді. Сондықтан, баршаңызды бетперде тағуға, қолды жиі жуып, антисептиктерді пайдалануға, әлеуметтік қашықтықты сақтауға шақырамыз. Отбасылық мерекелік шаралар мен мерекелік іс-шараларды өткізуге тыйым салынғанын тағы да еске салғымыз келеді, – деді қалалық әлеуметтік сала бөлімінің басшысы Гүлмира Таңсықбаева. (далее…)

«Өмір мен ажал айқасы»

Пятница, 11 Июн 2021

Осындай атпен Ұлы Отан соғысының ардагері, Сәтбаев қаласының Құрметті азаматы Әкбар Аманжоловтың кітабы жарық көрді. Ардагердің естеліктерін өңдеп, баспаға дайындаған Жезқазған өңіріне танымал журналист, телевидение саласының ардагері Шамхан Рахметов. Кітап Жезқазған қаласындағы «Полиграфия «АСАР» ЖК «Битанова С.Д.» баспаханасында басылып шығарылды. Ардагердің естеліктерінің жарық көруіне қолдау жасап, демеушілік көрсеткен – Сәтбаев қаласының әкімдігі.

8 маусымда Баубек Бұлқышев атындағы орталықтандырылған кітапхана жүйесі ғимаратының «Коворкинг» орталығында «Өмір мен ажал айқасы» кітабының тұсау­кесері өтті. Бұл шараны Сәтбаев қаласының мәдениет және тілдерді дамыту бөлімі мен кітапхана қызметкерлері ұйымдастырды.

Жайдарлы жүздесуге Әкбар ағаның туған-туыстары, Сәтбаев қалалық мәслихатының депутаттары, кезінде ардагермен бірге еңбек еткен әріптестері жиналды.

Кездесуде қаланың мәдениет саласының басшысы Қанат Төлеш «Рухани жаңғыру» бағдарламасы аясында өткізіліп жатқан бұл ізгілікті істің өскелең ұрпақты патриотизм рухында тәрбиелеуге қосар үлесі мол екенін атап өтіп, қиын-қыстау кезеңдердегі ата-бабаларымыздың ерлігін ұмытпай, паш ету парызымыз екенін жеткізді.
Әкбар ағаның жас кезінен қалыптасқан бір жақсы әдеті болды. Ол – басынан өткізген өмір жолдарын қағаз бетіне түсіріп, күнделік жазу. Тар жол, тайғақ кешкен кездерде де сол әдетінен айырылған жоқ.

Ардагердің сол естеліктерінің жарық көруіне үлкен үлес қосып, көз майын тауысып аянбай еңбек еткен Шамхан ағамыз Әкбар Аманжоловтың өмірбаянының әрқилы жолдары жайлы тебірене айтып, кітапты дайындау барысындағы Аманжоловтар отбасының үлкен көмегін ерекше атап өтті. (далее…)

Көлік салығын төлеу – міндет

Пятница, 11 Июн 2021

Жуырда Сәтбаев қаласында көлік тізгіндеген азаматтардың салық қарызын тексеру мақсатында рейд өткізілді.

Автотранспорт иелері республиканың автокөлік жолдарын пайдаланатыны белгілі. Сәйкесінше, көлігі бар азаматтар салық төлеуге міндеттеледі. Ал көлік құралдарына салынатын салық – мемлекет пен жылжымалы мүлік арасындағы экономикалық қатынасты реттейді. Осы орайда Сәтбаев қаласындағы мемлекеттік кірістер басқармасы, жол-патрульдік полициясының қызметкерлері және жеке сот орындаушылары бірігіп, көлік иелерін тексеру жұмыстарын жүргізді. Рейд барысында көліктер тоқтатылып, құжаттар жіті тексерілді.

Тексеріс шарасының аясында салық төлемеген азаматтарға қарызды eSalyqazamat мобильді қосымшасы арқылы жеңіл әрі жылдам төлеуге болатындығы жайында түсіндірме жұмыстары жүргізілді.

Сәтбаев қалалық мемлекеттік кірістер басқармасының мамандары ұсынған деректерге сүйенер болсақ, қазіргі таңда кеншілер қаласында көлік салығын өтемеген 2800 тұрғын бар. Қала көшелеріне жүргізілген рейд жұмыстарының арқасында 2 азаматтың мемлекет алдында қарызы бар екендігі анықталып, eSalyqazamat мобильді қосымшасы арқылы мамандардың көзінше төленді.

Қалалық жол патрульдік полициясы, мемлекеттік кірістер басқармасы және сот орындаушыларымен біріккен іс-шара қарыздарды толықтай өндіріп болмайынша жыл соңына дейін жалғаса бермек.

Еркеназ Шоқан.
Сурет автордікі.

236 бала білім алуда

Пятница, 11 Июн 2021

Ғылым және білім ми­нис­трлігінің бұйрығы бойынша №1 мектеп-гимназия­да 26 мамырдан бастап «Жазғы мектеп» жұмыс істеуде.

Мектеп директорының оқу-тәрбие ісі жөніндегі орынбасары Дана Жакупованың айтуы бойынша, бүгінде 236 бала жазғы мектепте оқуда. Оның 55-і бастауыш сыныптың, 181-і жоғары сыныптың оқушылары.

Жазғы мектеп өз жұмысын карантин талаптарына сай жүргізуде. Мектепте күніне 3 сабақ өтеді. Оның екеуі маңызды сабақ болса, соңғысы балалар жалықпау үшін қосымша сабақ. Басты пәндерге қазақ тілі, математика, ағылшын тілі жатса, балалар жалықпау үшін информатика, физика, дене тәрбиесі қосымша сабақ ретінде енгізілген. Мұның сыртында «Алтын ине» үйірмесі де ашылған.

Жазғы мектепте 27 оқытушы дәріс береді. Сабақ еркін форматта, әр ұстаз өзінің шығармашылығына қарай өткізуде. Қазіргі таңда «Жазғы мектепке» ата-аналардың қызығушылығы артып, балаларын жазда оқуға беріп жатыр.

Ділназ Нұржан,
«Тұран» университеті, журналистика факультетінің ІІ курс студенті.

Жазғы мектептер жұмыс істеуде

Пятница, 11 Июн 2021

Сәтбаев қаласында 26 мамырдан бастап жазғы мектептер жұмысын істеуде. Ол жерде оқушыларға қашықтықтан оқыту нәтижесінде туындаған олқылықтардың орнын толтыруға зор мүмкіндіктер қарастырылған.

26 мамыр – 19 маусым аралығында сәтбаевтық оқушылар үшін жазғы мектептердің есігі айқара ашық. Олардың ішінде қаламыздағы ЖББ №5 мектеп те бар. Бұл білім ордасындағы жазғы мектепте 1 мен 8 сынып оқушылары білім алады. Олардың 102-сі оқу үлгерімі төмен оқушылар болса, 42-сі білім деңгейін арттыруға құлық танытқандар. Дегенмен, үлгерімі төмен оқушыларға баса назар қойылмақ.

Жазғы мектептегі оқыту барысында карантиндік талаптар қатаң сақталып отыр. Оқушылар екі ауысымда, арақашықтықты сақтай отырып білім алуда. Ал, 19 маусымнан кейін оқушылар жазғы демалысқа шығатын болады.

– Жазғы мектепте оқу тегін әрі ерікті түрде жүргізіледі. Мұндай қосымша мектептердің ата-аналарға жазғы демалысты ұйымдастырып беруде үлесі мол. Онымен қоса, келесі оқу жылына дайындық іспетті, – дейді аталмыш оқу орнының директоры Руслана Қапарова.

Орайы келгенде айта кетейік, аталмыш білім ордасында жазғы мектеппен қатар жазғы еңбек лагері де ұйымдастырылған. Бұл жерде мектеп ауласын абаттандыру, көгалдандыру жұмыстары жүргізілуде. Мұнда девианттық мінез-құлықты 50 оқушы екі ауысыммен жұмыс істейді. Биылғы жылы жазғы мектепке 9-сынып оқушылары жіберілмеген. Оның себебін мектеп директоры түлектердің мемлекеттік емтиханға дайындығымен байланыстырды.

Еркеназ Шоқан.
Суреттер автордікі.

Арбаға таңылған әйел

Пятница, 11 Июн 2021

Арбаға таңылған әйел отыр… Күнде таңертең азық-түлік дүкенінің алдында отырған осы әйелді көремін.

Көремін де жүрегім қатты ауырады. «Күннің ыстығы мен суығына қарамай осы жарымжан жанды әкеліп отырғызып қоятын кім екен?» деп іштей ойланамын да. Ол қайыр сұрап отырады. Осы оқиға күнде қайталанады. Адамның жаны ауыратын жағдай. Бұл әйелді тәңертең әкеліп, кешке алып кетіп отырған адам бар екені сөзсіз.
Бүгін тағы көрдім. Өтіп бара жатқан адамдар қолына азын-­аулақ тиын-тебен ұстатып жатты. Мүгедек жанды аямай, табыс көзіне айналдырып отырған адамнан да Алланың сұрауы бар шығар? Қолдан келер шара жоқ. Тек, мына аптап ыстықта байғұстың басынан күн өтіп кетпесе екен…

P.S. Елдігімізге сын болар осы жағдайды көрген сайын «япыр-ау, біздің құзырлы орындар мен құқық қорғау органдарының қыз­меткерлері бұған неге назар аудармайды екен?», деп те ойлаймын.

Қапиза Айтмағанбетқызы,
қала тұрғыны.

Надо активнее работать

Пятница, 11 Июн 2021

Во вторник в большом зале акимата прошло заседание комиссии по вопросам противодействия коррупции. Комиссия рассмотрела вопросы о проводимой информационно-разъяснительной работе в средствах массовой информации по антикоррупционной стратегии, результатах выполнения государственных социальных заказов по антикоррупционной политике, мерах, направленных на повышение качества рассмотрения обращений физических и юридических лиц, а также о результатах проведенного внутреннего анализа коррупционных рисков в деятельности государственных учреждений и субъектов квазигосударственного сектора. (далее…)

Наша задача – реализовать намеченное

Пятница, 11 Июн 2021

Дорожная карта по реализации программы «Жастар – ­Отанға!» до 2025 года по городу Сатпаев была утверждена в режиме онлайн на заседании Бюро Политсовета городского филиала партии «NurOtan».

Республиканская Дорожная карта по реализации программы «Жастар – Отанға!» включает 100 конкретных мер по решению вопросов молодежи, с достижением 46 конкретных индикаторов.

По Карагандинской области разработано 19 Дорожных карт, в них отображены четкие индикаторы, которыми следует руководствоваться при ее исполнении, что поспособствует быстрому, динамичному, а главное необходимому для молодежи прогрессу.

3 июня в ходе заседания Бюро Политсовета городского филиала партии «Nur Otan» по данному вопросу выступил представитель молодежного крыла «Jas Otan» Рустем Кожабаев. (далее…)