Архив за Октябрь 2020

Ажарлы аллеяда – Абай ескерткіші

Пятница, 30 Окт 2020

Ұлы Абайдың мерейтойы аясында кенді қаланың келбеті одан әрі ажарлана түсті. Шаһардағы ең үлкен көшелердің бірі саналатын Абай атындағы көшенің көркіне көрік қосып, аллея мен ақынға арналған ескерткіш бой көтерді. Өткен жұмада ұлы ойшылға арналған бюст салтанатты жағдайда ашылды.

Алаштың бойтұмары – Абайдың биылғы мерейтойы елдің әр өңірінде кеңінен аталып өтуде. Бұл мереке той тойлау үшін емес, ой-өрісімізді кеңейтіп, рухани тұрғыда дамуымыз үшін аса қажет. Діни таным мен қоғамдық сананы, ғылымды, жалпыадамзаттық мәңгілік құндылықтарды сабақтастырып, адамзаттық ілімді, «Адам бол» қағидатын ұстануға шақырған Абайдың мұрасы өскелең ұрпақ үшін айнымас темірқазық болып қала бермек. Күні кеше ғана ел Президенті Қасым-Жомар Тоқаевтың ақынның туған жеріне барған сапарында «Абай жаңа әдебиетіміздің негізін қалаған ақын ретінде ел тарихында айрықша із қалдырды. Оның еңбектері бір ғасырдан астам уақыт өтсе де өзектілігін жоғалтқан емес. Әлі күнге дейін баршамызға рухани азық болып келеді. Ақынның ғибратты ғұмыры мен мол мұрасы – халқымыздың және жаһан жұртының асыл қазынасы» деп айтқан сөзі көп ойды меңзейді. (далее…)

ДҮЛДҮЛДЕР ОЗДЫ ДОДАДА

Пятница, 30 Окт 2020

Қасым мүшәйрасы

Бұдан бес жыл бұрын облыстық деңгейде ұйымдастырылған «Дүниеге келер әлі талай Қасым…» атты жыр додасы 2018 жылы республикалық мәртебе иеленді. Сол жылы – 70, 2019 жылы – 42 ақын бақ сынаса, биыл 97 үміткер қатысты. Дәстүрлі республикалық мүшәйра жеңімпаздарын марапаттау салтанаты биыл онлайн түрде өтті.

Ақын мұрасын насихаттау, жастардың шығармашылығына қолдау көрсету мақсатында өткен шарада белгілі сыншы Амангелді Кеңшілікұлы бастаған қазылар алқасы жеңімпаздар өлеңін онлайн тыңдап, жүлде табыстады. Сырбай Мәуленов атындағы арнайы жүлдені – оралдық Нұртілеу Қадырқұлов, Ғафу Қайырбеков атындағы жүлдені нұр-сұлтандық Біржан Ахмер иеленді. Жұмекен Нәжімеденов атындағы жүлдеге семейлік Азамат Серіков лайық деп танылса, Кеңшілік Мырзабеков атындағы жүлде қарағандылық Жұлдыз Молдағалиеваға, ал Дәуітәлі Стамбеков атындағы жүлде алматылық Аслан Тілегенге бұйырды.

III орынды қызылордалық Дина Бөкебай, алматылық Асыл Сұлтанғазы, жамбылдық Ғайникен Райымбекова, нұрсұлтандық Ұмтыл Зарыққан өзара бөлісті. II орын жүлдесін нұр-сұлтандық Айдын Байыс пен Жадыра Байбұланова қанжығасына байлады, I орынды қарағандылық Жанат Жаңқашұлы жеңіп алды. Бас жүлдеге «Қазақ әдебиеті» газетінің бөлім меңгерушісі, ақын Батырхан Сәрсенхан ие болды.

«Р.Отарбаев шығармашылығы. Әдеби сын»

Пятница, 30 Окт 2020

Осындай тақырыппен драматургия, проза саласында сыншы, әдебиетші арасында «Рахымжан Отарбаевтың Руханият қоры» ұйымдастырған байқау мәреге жетіп, жеңімпаздар марапатталды. Жүлдегерлер арасында қарағандылық Алмаз МЫРЗАХМЕТТІҢ мақаласы ең үздік деп танылды.

Байқауға Атырау облысының әкімдігі қолдау көрсетті. Жазушының жары, соңында қалған шығармаларының шырақшысы Сәуле Отарбаева көп еңбек сіңірді. Қазылар алқасы Р.Отарбаевтың шығармашылығын арқау еткен отыздан астам еңбекті саралап, екі жанр бойынша жеңімпазды анықтады.

Алмаз Мырзахметтің «Рахымжан Отарбаевтың «Бас» романындағы архетиптік желілер» деген мақаласы ең үздік атанды. Автор жазушы романын талдау үстінде өте көп ізденген. Тақырыбын жан-жақты, егжей-тегжейлі зерттеп, романның құрылымдық ерекшелігін кәсіби тұрғыда шебер саралаған.

Сәби СҰЛТАН.

Вторые в республике

Пятница, 30 Окт 2020

Карагандинская область вошла в тройку лидеров по поддержке проектов по Дорожной карте бизнеса

Карагандинская область заняла второе место в республике по использованию инструментов программы «Дорожная карта бизнеса – 2025». Регион находится в передовиках по субсидированию проектов и сумме подписанных договоров гарантий. (далее…)

ТОП актуальных вопросов жителей

Пятница, 30 Окт 2020

Уважаемые сатпаевцы! К вашему сведению для ознокомления предлагаем вместе с ответами ТОП актуальных вопросов, поступающих от жителей в акимат города:

Мүгедек ретінде «Bir-gemiz» акциясына қалай тіркелемін?

Жауабы: Республикалық «Біргеміз» қорынан материалдық көмекке мұқтаж қалалар мен азаматтар санаттарын «Нұр Отан» партиясының облыстық филиалы анықтайды.
«Нұр Отан» партиясының облыстық филиалы Сәтбаев қаласының Республикалық «Біргеміз» қорынан көмекке мұқтаж азаматтар санаттарын бекіткен кезде Сіз бекітілген санаттар бойынша мұқтаждар тізіміне енгізілесіз. (далее…)

«Алтын күзді» атап өтті

Пятница, 30 Окт 2020

Балаларға күз мезгілінің ерекшеліктері, оның берекесі мен молшылығы жайлы түсінік беру, күз өнімдерімен таныстырып, ағзаға пайдасы туралы білімін кеңейту мақсатында қаламыздағы білім беру мекемелерінде жыл сайын «Алтын күзді» атап өту дәстүрге айналған.

Осындай мақсаттағы іс-шара өткен жұмада №5 «Нұрбөбек» балабақшасының «Ботақан» г тобында аталып өтті. Топ тәрбиешісі Балгүл Оспанова ұйымдастырған «Жомарт күз» атты ертеңгілік балалардың орындауындағы әсем әнмен ашылды. Одан әрі мерекенің басты қонағы «Күз ханшайымы» ортаға шығып, көкөністер мен жеміс-жидектер тақырыбында жұмбақ жасырды. Балалар қонақтарға дайындаған өнерін ортаға салып, өлең оқып, тақпақ айтты. Әсіресе, «Күз ертегісі» театрландырылған көрініс көңілден шықты. «Кім жылдам?», «Шалшықтардан секір» секілді түрлі ойындарға белсене қатысқан бүлдіршіндер би билеп, жан-жақты екендіктерін танытты. Сондай-ақ, қыз балалар арасында «Күзгі сән үлгісі» сайысында ата-аналарымен бірлесіп дайындаған әдемі киім үлгілері назарға ұсынылды. Ертеңгілік соңында «Күз ханшайымы» рөлін сомдаған топ тәрбиешісі Ақерке Сандыбай ризашылығын білдіріп, балдыр­ғандарға сый-сияпат жасады.

– Басты мақсатымыз – балалардың түрлі тақырыпта білімін жетілдірумен қатар, олардың бойына адамгершілік қасиет қалыптастырып, шығармашылық қабілетінің дамуына ықпал ету. Бүгінгі шара табиғаттың күз мезгіліндегі өзгерістері туралы ақпарат беріп қана қоймай, еңбекқорлыққа тәрбиелеп, ән салып, тақпақ айту арқылы сөздік қорын молайтып, ойлау қабілетін дамытуға септігін тигізді деген сенімдемін, – дейді топ тәрбиешісі Балгүл Оспанова.

Өз тілшіміз.

Көңілге көрік сыйлады

Пятница, 30 Окт 2020

Балалар мен жасөспірімдер кітапханасының инстаграм желісі бойынша «Алтын оймақ» үйірме жетекшісінің ұйымдастыруымен «Күзгі кереметтер» атты байқау өтті.

Күз мезгілінің керемет бояуы мен ерекше сұлулығы адам жанын шаттандырумен қатар, шығармашылықты оятады. Алуан түсті бояуға, сырлы әуенге толы мезгілдің жауыны да, тамылжыған ауасы да керемет. Осындай тамаша жыл мезгілінен шабыттанған кітапхана оқырмандары «Күзгі кереметтер» байқауына белсене қатысты. Балалардың қиялынан туындап, өз қолдарымен жасаған бұйымдар көңілге көрік сыйлағандай болды. Оқырмандардың жұмыстары тартымдылығымен көзді қуантты. Олар бұйымдарды бүршіктерден, жапырақтардан, ағаштың бұтақтарынан, жеміс-жидектерден тағы да басқа көптеген табиғи материалдардан жасады. № 1 мектеп-гимназиясының 4 сынып оқушылары Аружан Аяпова, Кәусар Бауыржан, Кәусар Телғара, 2 «А» сынып оқушысы Бауыржан Зайнаб, 1 «В» сынып оқушысы Медина Оразбай, №33 «Күншуақ» балабақшасының тәрбиеленушісі РаянаТөлеубайдың жұмыстары ерекше көзге түсті. Сонымен қатар, Абай атындағы № 4 мектеп-лицейінің 4 сынып оқушысы Ислам Төлеубай, № 16 жалпы орта білім беретін мектебінің оқушылары Үміт Балтабек, Айзере Шаяхмет, Аружан Шаяхмет, «Нұрбөбек» балабақшасының тәрбиеленушісі Сана Мұстафа, №7 «Алпамыс» балабақшасының тәрбиеленушісі Нұрислам Серік, №33 «Күншуақ» балабақшасының тәрбиеленушісі Азиза Бауыржан да белсенді қатысушылар қатарынан орын алды. Жүлдегерлер сый-сияпатқа ие болып, Алғыс хатпен марапатталды.

К.АЙМАҒАМБЕТОВА,
кітапхананың сектор меңгерушісі.

Бізбен бірге болыңыз!

Пятница, 30 Окт 2020

Газет қашан да оқырманымен ғұмырлы. Оқырманы жоқ басылым – қанаты жоқ құспен тең. Сондықтан, әр пікір құнды. Біз де сұранысты қанағаттандыру үшін жұмыс істеп келеміз. Таяуда поштамызға бір оқырманнан хат келіп түсті. Соны назарларыңызға ұсынамыз. (далее…)

«SAQBOL» САҚТАЙДЫ

Пятница, 30 Окт 2020

Қазақстан Республикасының Цифрлық даму, инновациялар және аэроғарыш өнеркәсібі министрлігі мен Қазақстан Республикасының Денсаулық сақтау министрлігі коронавирустық инфекцияның таралуын бақылау және жұқтыру ошақтарын уақытылы оқшаулау мақсатында «Saqbol» мобильді қосымшасын ұсынды. (далее…)

Ашықтық пен жариялылық

Пятница, 30 Окт 2020

Мемлекет басшысы Қасым-Жомарт Тоқаевтың Парламент Мәжілісі депутаттарының сайлауын тағайындау туралы Жарлығы ашықтық пен жариялылықтың шынайы нышаны болды. Оның басты белгісі бұл сайлаудың соңғы сайлауларға қарағанда уақытылы өтуінде. (далее…)