2021 жылдың 10 қаңтарында ҚР Парламенті Мәжілісі мен мәслихаттары депутаттығына үміткерлерді сайлау өтетіні белгілі. Еліміздегі ауқымды саяси науқанға қатысушы партиялар бүгіннен бастап үгіт-насихат жұмыстарын жүргізуді бастады. Осыған байланысты «Nur Otan» партиясының Сәтбаев қалалық филиалында сайлауалды штабтың алғашқы отырысы өтіп, жоспарланған іс-шараларды жүзеге асыру толыққанды түсіндірілді.

Еліміздегі мүшесі жағынан саны басым саяси күшке ие «Nur Otan» партиясы осыдан бірер ай бұрын алғаш рет праймериз, яғни партияішілік сайлау өткізгені мәлім. Осы арқылы көпшіліктің сеніміне ие болып, бұл партия жұмысына жаңа жігер берген еді. Праймериз сайлауынан соң жаңа есімдер анықталып, саяси ұйымның серпіні артты деуге толық негіз бар. Еліміз үшін маңызы зор сайлауда «Nur Otan» Мемлекет басшысы Қ.Тоқаевтың «Халық үніне құлақ асатын мемлекет» тұжырымдамасын іске асырып, партия мен қоғам арасындағы кері байланысты нығайтуға ынталы. Күні кеше ғана өткен партияның республикалық сайлауалды штаб отырысында штаб басшысы Бауыржан Байбек бұқаралық іс-шаралардан нақты бағдарланған жиындарға көшу қажеттігін айтып, үгіт-насихат науқанының басты қағидасы тұрғындармен тікелей және шынайы диалог орнатуға негізделуі тиіс деп мәлімдеді.

«NurOtan» партиясының Сәтбаев қалалық филиалында өткен сайлауалды штаб отырысында үгіт-насихат кезеңіне сай  сайлаушылармен кездесу кестесі нақтыланды. Қоғамдық пікір көшбасшылары, партия белсенділері мен филиал аппаратының қызметкерлерінен құралған штабқа 13 адам кірді. Жиын кезінде штаб басшысы Қайрат Балмағамбетов  штаб мүшелеріне негізгі міндеттерді атап, сайлаушыларды толғандырған мәселелерін нақты талқылап, оларға партияның сайлауалды бағдарламасын қарапайым әрі түсінікті жеткізу қажет екенін ескертті.

– Бүгіннен бастап сайлаудың үгіт-насихат кезеңі басталды. Алдағы атқаратын жұмыстар ауқымды. Қазір үгіт-насихат жоспары және сайлаушылармен кездесу кестесі әзірленді. Науқанға партия жақтастары белсенді атсалысуы керек. Бұл орайда «JasOtan» еріктілері көмекке келеді. Үгіт-насихат барысында нақты әлеуметтік  топтар – кәсіпкерлер, жұмысшылар, мұғалімдер және дәрігерлермен кездесу көзделген. Пандемияны ескере отырып, қарқынды әрі нақтылы жұмыс жүргізу қажет, – деді штаб басшысы.

Бүгінгі күні партияның қаламыздағы филиалында үш мыңға жуық мүшесі бар. 13 бастауыш партия ұйымы тіркелген. Праймериз сайлауынан соң жергілікті мәслихат депутаттығына үміткер 24 азаматтың тізімі бекітілді. Ал екі азамат Қарағанды облыстық мәслихат депутаты болуға үміткер ретінде тіркелді.

Еліміздің басты мерекелерінің бірі – Қазақстан Республикасының Тәуелсіздік күнімен шын жүректен құттықтаймыз!

Халықтың еркіндігі мен ұлылығын бейнелейтін бұл мереке бәріміз үшін ерекше қымбат және маңызды.

29 жыл бұрын, 1991 жылдың 16 желтоқсанында әлемнің саяси картасында жаңа мемлекет – Қазақстан Республикасы пайда болды. Тәуелсіздік жылдары қазақстандықтар тұрақты іргетас құра алды. Соның негізінде республиканың экономикасы мен әлеуметтік саласын нығайту, қауіпсіздігін қамтамасыз ету және тұрғындарының әл-ауқатын жақсарту бойынша белсенді жұмыс жүргізілуде.

Бүгінгі таңда экономика қарқынды дамып келеді. Әлеуметтік мәселелер оң шешімін табуда. Мектептер, балабақшалар, тұрғын үйлер салынуда. Сол арқылы ішкі саяси тұрақтылық нығая түсуде. Мемлекетіміздің гүлденуі мен дамуында кеншілер қаласы тұрғындарының да үлкен еңбегі жатыр.

Зияткерлік жетістіктерімен, игі істерімен қаламыздың, облыстың абыройын асқақтататын жастарымыздың бір буыны қалыптасып келеді. Бостандық, сәттілік және жеңіс рухын бойына сіңірген жас ұрпақтың болашағына деген сенім мол.

Басты байлығымыз – бейбітшілік пен келісім. Құрметті отандастар, әр үйге және әр отбасына денсаулық, тыныштық пен бейбітшілік, тұрақтылық тілейміз!

А.Ыдырысов, Сәтбаев қаласының әкімі.
Т.Хмилярчук, қалалық мәслихат хатшысы.

Примите искренние поздравления с одним из главных праздников нашей страны – Днем Независимости Республики Казахстан!
Этот праздник, символизирующий свободу и величие народа, для всех нас по-особому дорог и значим.

29 лет назад, 16 декабря 1991 года, на политической карте мира появилось новое государство – Республика Казахстан. За прошедшие годы казахстанцы сумели выстроить стабильный фундамент, на котором ведется активная работа по укреплению экономики и социальной сферы республики, обеспечению безопасности и повышению благосостояния ее жителей. (далее…)

Қазақстанда дәрігерлер жалақысы 2023 жылға дейін 2,5 есе өседі. Бұл туралы мемлекет басшысы Қасым-Жомарт ТОҚАЕВ «Nur Otan» партиясының съезінде мәлімдеді. (далее…)

Облыста инклюзивті білім беруді дамытудың Жол картасы жүзеге асырылуда. Қазір төрт ресурстық орталық пен мектепте арнайы кабинет жұмыс істейді. Алдағы бес жылда осындай құрылым барлық білім беру мекемесінде ашылады.

– Бүгінде 70 балабақша, 290 мектеп және 35 колледж инклюзивті біліммен қамтылған. «Болашақ» Корпоративтік қорымен бірлесіп, инклюзияны қолдайтын 4 кабинет ашылды. Оның екеуі – Қарағандыда және Жезқазған мен Теміртауда. «Дара» КҚ қолдауымен 4 ресурстық орталық құрылды. 2025 жылға дейін барлық білім беру мекемесінде инклюзияны қолдау кабинетін ашу жоспарланған, – дейді облыстық білім басқармасының басшысы Гүлсім ҚОЖАХМЕТОВА.

Гүлсім Шабданқызының айтуынша, ерекше білім беру қажеттілігі бар баламен дефектолог мұғалім мен логопед жұмыс істейді. Облыста психологиялық-педагогикалық түзету қызметі дамитын болады. Осы орайда жыл соңына дейін Қарағанды мен Сәтбаев қаласында екі жаңа кабинет ашу жоспарланған.

Инклюзивті білім беруді дамыту – мемлекеттік саясаттың маңызды бағыты. Сондықтан, бұл мәселені тұрақты бақылауда ұстап, осы бағыттағы жұмысты жүйелі жалғастыру қажет.

Сәби СҰЛТАН.

«Үйі жоқтың, күйі жоқ» демекші, үй баспанасыз жанның басты мұңына айналатыны жасырын емес. Дей тұрғанмен, бүгінгі таңда ел тұрғындары үшін баспаналы болудың мүмкіндіктері көп. Солардың бірі республикалық «Харекет» қайырымдылық қоры.

Жалпы Қазақстан бойынша 360, ал, Жезқазған аймағы бойынша 14-ші отбасыға қоныс тойын тойлауға мүмкіндік беріп отыр. Желтоқсан айындағы «30 күнде 60 баспана» жобасы аясында, «Харекет» қайырымдылық қорының кезекті 360-шы баспанасы бірнеше жыл баспана тауқыметін көріп, пәтер жалдап күнелткен жалғызбасты, мүмкіндігі шектеулі Айнұр Шабырхановаға табысталды. Ол өз кезегінде арманының азғана уақытта орындалғанына дән риза. (далее…)

Сәтбаев қаласының Достық үйінде 16 қараша – Халықаралық толеранттылық күніне орай ұйымдастырылған шығармалар байқауының қорытындысы шығарылды.

«Толеранттылық – бейбітшілікке бастар жол» тақырыбындағы байқауға 14 пен 25 жас аралығындағы жастар қатысты. Олар толеранттылық және оның қоғам дамуына әсері жайлы қалам тербеді. Қаламыздың бірнеше білім ордаларының оқушылары белсенділік танытып, нәтижесінде түрлі марапаттарға ие болды. Қазылар алқасының шешімімен Анита Гатиятова үшінші орынға ие болса, Дәулет Сейітпеков екінші орыннан көрінді. Ал, бірінші орынды «Денсаулық» колледжінің студенті Галина Перепёлкина қанжығасына байлады. Байқауда ерекше көзге түскен шығарма иелері де марапатсыз қалмады. Ұйымдастырушылар тарапынан лайықты сый-сияпат көрсетілді.

– Мұндай шаралар шығармашылығымызды шыңдауға зор септігін тигізеді. Ұйымдастырушыларға алғысымыз шексіз. Белгілі орынды жеңіп алмасам да, ынталандыру сыйлығына ие болдым. Осының өзі мен үшін жетістік, – дейді Сәтбаев индустриалдық колледжінің студенті Жансая Сүлеймен.

Алтынгүл ТӨЛЕГЕНОВА.
Сурет автордікі.

«Кітап оқымаған – ойлаудан қалады» дейтін сөз бар. Біз бұл қатарға газетті қосар едік. Бүгінгі ақпараттың асқан жылдамдықпен тарап жатқан ғасырында елеусіз ғана жарыққа шығып, мұқым елдің мұңын мұңдап жоғын жоқтаған басылымның қоғамдық пікір қалыптастырушы күшін ескере отырып, газеттің бұдан әрі жарыққа шығуына септесуіміз қажет деп есептеймін. (далее…)

Олар – бүгінде Тәуелсіздікпен түйдей құрдас, 29 жасқа келген – әр саланың тізгінін ұстаған егемен елдің айбынды ұландары. Елдің дамуына өзіндік үлес қосып, көпке үлгі болып жүрген азаматтар. Бар білімі мен күш-қуатын ел игілігіне арнаған жастар біздің қаламызда да көптеп саналады. (далее…)

Сіздерді кәсіби мереке – Энергетика саласы қыз­меткерлері күнімен шын жүректен құттықтаймыз!

Энергетиктердің қызметі әрдайым сұранысқа ие. Сондықтан болар, бұл кәсіп иелері лайықты сый мен құрмет төрінен көрінуде. Бұл мамандықтың маңыздылығы туралы көп нәрсе айтуға болады. Әр отбасына жылу мен жарық сыйлаған энергетиктердің еңбегі ерен. Қаламыздың қараңғы көшелері мен саябағын жарықтандыруға қосқан үлесі айтарлықтай. Бүгінгі таңда олар өңіріміздің өндірістік әлеуетін нығайтып, өмір сүруге қолайлы жағдай жасауда. (далее…)