Қаланың әрбіт тұрғыны жайлы өмір сүруі, өзін-өзі дамытуы үшін барлық мүмкіндіктерге ие болатын әл-ауқат қоғамын құруға мүдделі партия жақтастары «Қазақмыс» Корпорациясына қарасты Шығыс Жезқазған кенішінің еңбек ұжымымен кездесті. Штаб өкілдері халық игілігі үшін партияның алдағы көздеген жоспарларын баяндап, сайлаушыларға бағдарламаны тиянақты түсіндірді.

Экономикалық секторға серпін беретін бірден-бір жол ол – шағын және орта бизнес. Партия бұл орайда кәсіпкерлікті барынша қолдауға ынталы. Бұл қала бюджетінің нығаюы мен жұмыссыздықты азайтуға мүмкіндік бермек. Қазіргі уақытта «Қазақмыс» Корпорациясы» ЖШС-ін қала құраушы кәсіпорындар тізіміне қосу бойынша жұмыстар жүргізілуде. Яғни осы кәсіпорын айналасында шағын және орта бизнес нысандары белдеуін құруға ықпал етеді. Өнеркәсіптік аймақта кеніштердің үздіксіз жұмысына сеп болатын желдеткіш шахта құбырларын, конвейер таспасын, резеңке бұйымдарын өндіру орындарын ашу көзделуде. Партия осы және өзге өндіріс орындарын ашуға нақтылы міндеттерді қойып отыр. Индустриялдық паркі негізінде парк аумағында 7 нысанды орналастыру жоспарлануда. Штаб өкілдері кәсіпкерлерді несиелендіруде партия маңызды шаралар қабылдайтынын атап өтті.

– Елімізді жайлаған індеттің таралуы мен оның салдары бизнестің экономикалық белсенділігінің төмендеуіне айтарлықтай әсер етті. Пандемияның тигізген әсерінен бөлшек және көтерме сауда, көлік және қоғамдық тамақтану салалары зардап шекті. Осы мақсатта партия мемлекеттік қолдау тетіктері және «Атамекен» ұлттық кәсіпкерлер палатасы арқылы мен басқа да даму институттарымен ынтымақтастық арқылы бизнесті тиімді жүргізуге жағдай жасайтын болады. Мәселен, «Бизнестің жол картасы» мемлекеттік бағдарламасына сәйкес жыл сайын кемінде 3 кәсіпкергеқолдау көрсету, «Еңбек» бағдарламасы негізінде 7-ден аса шағын несие беруге мақсат қойып отырмыз. Бұл шаралар 2025 жылға қарай шағын және орта бизнес субъектілерінің санын 3 мыңға дейін ұлғайтуға мүмкіндік береді, – деді штаб төрағасы Қайрат Балмағамбетов. (далее…)

Партияның штаб мүшелері өзінің бірінші кездесуін қаламызды жылумен қамтамасыз етіп отырған Жылу энергетика кәсіпорнында өткізді. Мекеме қызметкерлерімен кездескен партия өкілдері сайлауалды бағдарламамен таныстырып, ондағы әр бағыт бойынша атқарылғалы тұрған жұмыстарды баяндады.

Жиын басында сөз алған штаб мүшесі Марал Мәдиева алдымен мекеме қызметкерлерін кәсіби мереке энергетиктер күнімен құттықтады. Марал Сағынайқызы сайлауалды бағдарламаның әр өңірдің ерекшеліктері ескеріле отырып әзірленгенін, бұл бағдарламада халықтың ұсыныс-пікірлері қамтылғанын атап өтті. Жобада шаһарды әлеуметтік-экономикалық дамыту турасында жоспарланған жұмыстары кеңінен қамтылған. Штаб мүшелері әр бағыт бойынша атқарылатын жұмыстардың ауқымдылығын айтып, партия халықтың әл-ауқатын жақсартуда жемісті еңбек етіп келе жатқанын айтты.

– Сайлауалды бағдарлама праймеризге түскен үміткерлердің және сіздердің де айтқан ұсыныс-пікірлеріңіз бойынша әзірленгенін ескерте кетейік. Бұл жоба дәл сол өңірдің ерекшеліктері ескеріле отырып, халықтың әл-ауқатын жақсартуға бағытталған. Кеншілер шаһарына да лайықталып бағдарлама дайындалды. Бұл жолы «Nur Otan» партиясы өз бағдарламасында жеті бағытқа басымдық беріп отыр. Басты мақсат – халықтың өмір сүру сапасын жақсарту. Бірінші кезекте экономикалық тұрақтылық маңызды. Өздеріңіз білесіздер экономикасы төмен елдің болашағы бұлыңғыр. Ал Сәтбаев қаласы экономика құрылымында 50 пайыздан астамы тау-кен өнеркәсібінің үлесіне тиетін ықшам индустриалды моноқала. Осы саланы одан әрі дамыту әрі жұмыссыз азаматтарға лайықты жалақысы бар жаңа жұмыс орындарын құру арқылы экономикалық тұрақтылықты қалыптастыру керек. Бұл орайда партия өнеркәсіптік секторды дамытуға бар күш-жігерін салатын болады. Ол үшін Ұлытау көшесі бойындағы өнеркәсіптік аймақта жиырмаға тарта шағын және орта бизнес нысандары сиятын индустриялды парк құру көзделуде. Сол арқылы жұмыссыздық деңгейін төмендету, отандық өнім көлемін арттыруға қол жеткіземіз. Мұның барлығы тұрғындардың әлеуметтік ахуалын жақсартады деп ойлаймыз, – деді Марал Мәдиева. (далее…)