Өткені жоқ ел, тарихы жоқ халық болмайды. Тарих қойнауына тереңдеп енген әрбір ғасырдың, әр кезеңнің өзінің маңызы мен ерекшеліктері, айқындалатын айтулы оқиғалары, жылнамасы бар. Ал оларды жинап, талдап, зерттеп-зерделеу – мемлекеттік архивтердің еншісіндегі елеулі іс. Бұл міндетті Сәтбаев қаласының мемлекеттік архиві де абыроймен атқарып келеді. Биыл мекеменің құрылғанына отыз жыл толып отыр. Біз ұжымды мерейтойымен құттықтай барып, құнды құжаттар қоймасындағы келелі істермен таныстық.

Тарихи шежіре қоймасы

Қазақстан халқы тәуелсіздігін алғалы бері ел тарихында елеулі өзгерістердің куәсі болып келе жатқаны анық. Қай заманда, қандай қоғамда болмасын, отаншылдықтың бастауында ұлттық мақтаныш сезімі тұратындығы, ал оның қайнар көзі тарих пен мәдениет екендігі мәлім. Жас қадамын басқан мемлекет үшін атадан қалған асыл мұраларын келер ұрпаққа аманат ету, жалпы ұлттық құндылықтарымызды сақтау және халық игілігіне пайдалану басты мақсатымызға айналғанына еш күмән жоқ. Сан ғасырлық тарихы бар еліміздің басынан өткен небір аласапыранның өзі құнды жәдігерлеріміздің бүгінгі күнге жетуіне кедергі бола алмағаны белгілі. Сол құндылықтарымызды сақтап, халық мүддесіне пайдалануды жүзеге асыру мемлекеттік архивтердің басты қастерлі міндеті болып қала бермек. Өткенді жаңғыртып, өшкенді тірілту жолындағы орасан істер қашанда қастерлі. (далее…)

Осы аптадан бастап ІІІ оқу тоқсаны өзгеше жүйеде басталды. Мектеп бітіруші сыныптар аралас оқу форматына көшті. Қаладағы барлық мектептердегі екі сыныптың, яғни 9 және 11-сынып оқушылары мектепте оқып жатыр.

– 12 қаңтардан бері қала мектептерінде 9,11 сыныптарда 101 топ құрылып, 1265 бала аралас форматта білім алуда. бұл ретте пәндердің 70 проценті штаттық режимде, қалған 30 проценті қашықтықтағы режимде оқытылатын болды. Мектептерде икемді сабақ кестелері құрылып, сабақтар арасындағы үзілістер де соған сәйкес жасалды. Ара қашықтықты сақтау үшін ауысымдар саны да көбейтілді. Бас мемлекеттік санитарлық дәрігердің №68 қаулысына сәйкес, оқу кабинетінде оқушылар саны 15 баладан аспауы тиіс. Сондай-ақ, оқушыларды пәндік кабинеттерге көшірмей, оқу процесі бір кабинетте өтуі керек. Қаладағы барлық мектептерде бұл талаптар қатаң сақталуда, – дейді қалалық білім бөлімінің басшысы Берік Ақышбеков. (далее…)

Кеншілер қаласында коронавирус індетінің таралуы бойынша эпидемиологиялық жағдай тұрақты. Өткен жылдың соңын ала бірлі-жарымды жағдай тіркелген еді. Бірақ, ол адамдар сауығып, қауіп сейілді дейді Сәтбаев қалалық санитарлық-эпидемиологиялық бақылау басқармасының басшысы Гаухар ЖАЛМУРЗИНА.

Қалалық санитарлық-эпидемиологиялық бақылау басқармасының берген мәліметіне сүйенсек, жаңа жыл басталғалы бері жаман індетке шалдыққандар болған емес екен. Рас, ЖРВИ, пневмония сияқты сырқатпен ауырғандар бар. Бүгінгі күні мұндай 18 сырқат Жезқазған қаласында жаңадан ашылған модульдік орталыққа жатқызылыпты. Ал, өз қаламызда індет белең алған жағдайда көмекке келетін 3 аурухана сақадай сай әзірлікпен тұр. (далее…)

Көк аспанды тілгілеп, қара жердің қыртысын қопарған зеңбірек дауысының басылғанына, күллі әлем тағатсыз күткен Жеңіс жалауының рейхстагта желбірегеніне биыл 76 жыл. Дүниежүзілік имперализмнің ең қаскөй күші – фашизм өз ұясында тұншықтырылды. Қаһарман Совет халқы адам айтқысыз азап шегіп, қисапсыз құрбандықтарға төзіп, Жеңіс тұғырына шықты.

Міне, біз сол тамаша Жеңістің 76 жылдық ұлы мерекесін де тойладық. Ер етігімен су кешіп, от басқан, ат ауыздығымен су ішкен, сұр шинельді төсек етіп, мұз жастанып, қар жамылған күндер келмеске кетті. Бүгінгі күнде құжаттары Сәтбаев қаласының мемлекеттік архивінде сақталған майдангерлердің қатарында Ұлы Отан соғысының ардагері, Сәтбаев қаласының Құрметті азаматы, қарт ұстаз Қожа Қалиев та бар. Ол кісі біздің арамызда болғанда 1 ғасыр жасар еді. (далее…)

Жиырма бірінші ғасырдың жиырма бірінші жылы тарихта ерекше оқиғалармен қалатын жыл болып отыр. Соның бірі – күні кеше ғана өткен Қазақстан Республикасы Парламенті Мәжілісі мен жергілікті мәслихаттар депутаттарының сайлауы. «Бұл сайлау бұрынғы сайлаулардан ерекше болды» деп жатыр ел де, сарапшылар да…

Ең бастысы, ҚР Парламенті Мәжілісінің және мәслихаттар депутаттарының сайлауы әлемдік пандемия жағдайында өтіп отыр. Осыған орай, әрбір сайлау учаскесінде санитарлық талаптар мен әлеуметтік ара қашықтықты қатаң сақтау талап етілді. Соған қарамастан, сайлауға қатысып, өз таңдауларын жасаймын деген жандарға тежеу болған жоқ. Сайлау учаскелері ашылысымен ел топ-топ болып келіп дауыс беріп жатты. Сайлау қорытындысы бойынша Қарағанды облысында дауыс берген сайлаушылардың үлесі жетпіс пайыздан асты. Солардың қатарында кеншілер қаласының тұрғындары да белсенділік танытқанын айтып өту ләзім. Бұл қала тұрғындарының саяси науқанға асқан жауапкершілікпен қарағанын көрсетеді.

Жалпы, биылғы сайлау демократиялық талаптарға сай өтті, бұл қазақстандықтардың саяси талғамы, белсенділігі артқанын көрсетіп отыр дейді сарапшылар. Азаматтардың таңдау жасауы – елдегі саяси тұрақтылық пен экономикалық дамудың кепілі. Көппартиялы Парламенттiң жасақталуы Қазақстандағы демократияның одан әрі ілгерілеуіне негіз болмақшы.

Тағы бір ерекшелік, Мәжіліс пен мәслихаттарда депутаттардың дені жаңарды. Қалаулылар қатарында жастар мен әйелдердің үлес салмағы бұрынғыдан көбейді. Олардың қатарында қайнаған тірліктің ортасынан келгендер де, өз ісін шебер білетін мамандар да, саяси-әлеуметтік жағдайдан дайындығы бар жігерлі азаматтар да бар. Сондықтан, барлық деңгейдегі жаңа депутаттар іске білек сыбана, белсене кіріседі деген үміт зор.

Еліміздің жастары – қоғамды алға сүйреуші үлкен күш. Сондықтан, әрбір саяси науқаннан тыс қалған емес. Сәтбаев қаласының жастары да кешегі сайлауға белсенді қатысып, болашаққа бей-жай қарамайтындарын көрсетті. Сол жастардың бірі – «Нығмет» мүгедектер қоғамының төрағасы Алмас Қыдырбеков. (далее…)

Бұған Достық үйінің қабырғасында өткен кеш барысында көзіміз жете түсті. Арамыздан алыстап кеткен ардақты тұлғаларды еске алуға арналған жоба алғаш рет өткен жылы қолға алынып, қала әкімі Асқар Ыдырысовтың қолдауымен жүзеге асырылған болатын. «Шындық» ҚБ төрағасы Абдолла Дастановтың бастамасымен жалғасын тауып, бұл жолы ақын, жазушы ағамыз Қуаныш Ахметов пен тұңғыш отбасылық «Балалық шақ» үйінің негізін қалаушы ұлағатты ұстаз Мәруа Құлышеваға арналды. (далее…)

Қалалық әкімдіктің үлкен залында қалалық мәслихаттың қорытынды сессия отырысы өтті. Жиынға қала басшысы Асқар Ыдырысов қатысып, 2021-2023 жылдарға арналған қалалық бюджет жобасы бекітілді. Күн тәртібінде бірқатар мәселелер қаралып, өткен жылы атқарылған жұмыстарға есеп берілді.

Сәтбаев қалалық мәслихаттың 79 сессия отырысында Сәтбаев қаласын дамытудың 2021-2025 жылдарға арналған бағдарламасын бекіту туралы экономика және қаржы бөлімінің басшысы Ш.Әубәкір баяндама жасады. Жиында бұдан бөлек «Мемлекеттік жастар саясаты» туралы Қазақстан Республикасының Заңын орындау барысы туралы, жер учаскесін мемлекет мұқтажы үшін алып қоюға байланысты жер учаскесін немесе өзге де жылжымайтын мүлікті иеліктен шығару туралы шарттарының жобаларымен келісу туралы, Сәтбаев қаласын басқару сызбасын бекіту туралы мәселелер қаралып, мақұлданды. Сондай-ақ, мәслихаттың өткен жылда атқарған жұмысы туралы мәслихат хатшысы Т.Хмилярчуктің есебі тыңдалды. Сессия соңында 2020 жылда атқарылған жұмыстарға оң баға беріліп, бірқатар мәслихат депутаты Құрмет грамотасы және «Nur Otan» партиясы Сәтбаев қалалық филиалы атынан Алғыс хатпен марапатталды.

Нұрлат ҚОНЫСБАЙ. Сурет автордікі.

Қаламыздағы №26 «Қарлығаш» балабақшасы «Жұмыспен қамтудың жол картасы — 2020» мемлекеттік бағдарламасының шарапатына бөленіп, күрделі жөндеуден кейін жаңа кейіпке енді. Сегіз ай бойы ғимараттың іші-сырты толықтай жөнделіп, аумағы абаттандырылды.

Ашылу салтанатында қала әкімінің орынбасары Айгүл Төлендина жаңа нысанның лентасын қиып, ұжымға шығармашылық табыс тіледі. Жөндеу жұмыстары барысында балабақшаның медициналық кабинеті, асханасы, ойын залдары мен жатын бөлмелерінің жиһазы толықтай жаңартылды . Электр, жылу жүйелері де ауыстырылды. Бірінші қабатқа балалар үшін арнайы жылы еден де орнатылған. 1968 жылы қабырғасы қаланған ғимаратқа күрделі жөндеу жұмыстарын «КЗ ЦЕНТР» ЖШС жасағандығын айта кетейік. Мердігер компания өкілдері ашылу салтанатына арнайы қатысып, балаларға сыйсияпат жасады. Балабақша директоры Сақыпжамал Қалиеваның айтуынша, бүгінгі күні 4 қазақ, 4 орыс топтары бас-аяғы 186 бүлдіршінді қабылдауға дайын. Алайда, олар шектеулерге байланысты санитарлық тексерістен кейін кезекші топтарға ғана қабылданбақ.

Алтынгүл ТӨЛЕГЕНОВА. Сурет автордікі.

№7 жалпы білім беретін мектеп оқушылары «Рухани жаңғыру» бағдарламасы аясында ҚР еңбек сіңірген қайраткері, Қазақстан айтыс ақындары мен жыршы-термешілердің халықаралық Одағының басқарма төрағасы Жүрсін Ермановпен, 2000 жылы өткен Сидней Олимпиадасының жеңімпазы, «Олимпиадалық дайындық орталығы» РМҚК директоры, әуесқой бокс федерациясының тұңғыш вице-президенті Ермахан Ыбрайымовпен ZOOM платформасында кездесті. (далее…)

Дін сұрақтары бойынша ақпарат және кеңес беру орталығы талантты жастарды қолдау мақсатында шығармашылық байқау өткізді.

«Елім менің еңселі!» онлайн байқауының қорытындысы бойынша Медина Қалдыбаева жеңімпаз атанды.

– Байқау жайлы инстаграм әлеуметтік желісінен білдім. Қатысуға бел байлап, жүрегімнен шыққан туындымды тарту еттім. Нәтижесі жаман болмады. Бірінші орын иегері атандым. Алдағы уақытта да осындай байқаулар ұйымдастырылып тұрса нұр үстіне нұр болар еді, – дейді ол.

Айта кетейік, ерекше көзге түскен Никита Перегуда – екінші, Азамат Жаксыбай мен Элиза Арыстан үшінші орындарды қанжығасына байлады.

Алтынгүл ТӨЛЕГЕНОВА. Сурет автордікі.