Сәрсенбінің сәтінде Сәтбаев қаласының әкімі Асқар Ыдырысов «Ақшам» телеарнасының тікелей эфирінде тұрғындарға есеп берді. Тікелей эфир әлеуметтік желі арқылы көрсетіліп, сәтбаевтықтар онлайн түрде сауалдарын қойды.

Қала әкімі өткен жылдың кеншілер қаласы үшін күрделі жыл болғанын атап өтті.

– 2020 жыл күллі әлем үшін күрделі сынақ жылы болды. Елімізде коронавирус пандемиясына байланысты төтенше жағдай жарияланды. Сын сағатта тұрғындар бір-біріне қолдау көрсетіп, береке, бірлікті сақтады. Қиын күндері індетпен күрескен еріктілердің, медицина мамандарының, полиция мен әскери қызметшілердің, кәсіпкерлердің, қарапайым қала тұрғындарының еңбегін ерекше атап өту керек. Олар ешқандай мақтау, марапат күтпестен, адам өмірін сақтап қалуға бар күш-жігерін салды. Еріктілер күндіз-түні дамыл таппай, ауруханаларға оттегі баллондарын, дәрі-дәрмек тасыды. Біз мейірімді, қарапайым, адамгершілігі мол сәтбаевтықтардың арқасында қиындықты бірге еңсердік.

Бұл сынақ бізге үлкен сабақ болғанын да айта кету ләзім. Індеттің ықтимал екінші толқыны кезінде қала жұртшылығы тағы да қиын жағдайда қалмас үшін қаламыз­дағы бірқатар емдеу мекемелері заманауи құрал-жабдықтармен толықтырылды. Ауруханаларға компьютерлік томограф, цифрлық флюорография аппараттары орнатылды. Перзентхана мен инфекциялық ауруханаға өкпеге жасанды жел беру үшін арнайы оттегі орталығы жасақталып, оттегі палаталарға құбыр арқылы жеткізілді.

Ел игілігі, тұрғындар денсаулығы үшін жасалатын мұндай жұмыстар қаламызда жалғасын тауып жатыр. Соның бірі де бірегейі үстіміздегі жылы құрылысы басталатын 50 орындық модульдік орталық. Бұл заманауи аурухана «Қазақмыс» корпорациясымен бірлесіп жасалған жобаның нәтижесі.

Жалпы, пандемия мен шектеу шаралары туындатқан қиын жағдайға қарамастан, қалада жағымды жаңалықтар көп болды. Облыстан, республикадан болған қолдаудың нәтижесінде кеншілер қаласын көркейтуде үлкен жұмыстар жүргізілді, жолдар жөнделіп, аулалар абаттандырылды. Өңір басшысының қолдауымен бұл жұмыстар биыл да жалғасын табатын болады, – деді Асқар Ыдырысов өзінің есебінде .
Қала басшысының айтуынша, былтыр 69 аз қамтылған отбасыға тұрғын үй көмегі көрсетілсе, аз қамтылған санаттағы 39 азамат жұмысқа орналастырылған, 4 көп балалы отбасыға 140 мың теңге көлемінде біржолғы қаржылық көмек көрсетілген.

2020 жылы 270 көпбалалы ана қалаішілік маршруттарда қоғамдық көлікті тегін пайдалану құқығымен жол жүру билеттерін алды. Айта кету керек, көпбалалы отбасыларға мемлекет тарапынан ерекше көңіл бөлініп, қамқорлық көрсетілуде. Жыл басынан бері әкімдіктің, «Қазақмыс» корпорациясының, түрлі қайырымдылық қорларының күшімен көп балалы отбасыларға қолдау көрсету мақсатында 50-ден астам пәтер берілді. «Нығмет» қоғамдық бірлестігі шағын орталығында мүмкіндігі шектеулі 70 балаға психологиялық, педагогикалық, медициналық, әлеуметтік даму сипатындағы түрлі қызмет түрлері ұсынылуда. (далее…)

1989 жылғы 15 ақпанда Кеңес Одағының әскері Ауғанстан жерінен шығарылды. Міне, содан бері отыз екі жыл уақыт өтіпті.
Он жылға созылған сол соғыстың жарасы әлі де жазылар емес. (далее…)

В этом году школе-лицею №4 им.Абая Кунанбаева исполняется 35 лет. Юбилейной дате будет посвящена наша статья, все материалы отобраны с документов архивного фонда государственного архива города.

Вот выписка из протокола VII сессии городского Совета народных депутатов VI созыва, город Никольский, 16 июля 1986 года: «Учащиеся нашего города лишены возможности режима продленного дня, из-за переуплотнения школ. В средних школах № 19, 25 занимаются в три смены. Остальные школы №1, 3, 14, 27 работают с перегрузкой в 2 раза. Ожидаемый контингент к 1990 году составит около 14000 учащихся, то есть школы должны работать с 8 часов утра до 10 часов вечера, в три смены. Также постоянно ощущается в городе острая нехватка мест в школьных и дошкольных учреждениях.
Поэтому нам с главным заказчиком – Джезказганским горнометаллургическим комбинатом – необходимо решить вопрос о строительстве в городе в XII пятилетке не менее одной средней школы, трех построек к существующим школам и дошкольных учреждений». (далее…)

Балалардың құқын қорғау – бәрінен қымбат. Апта басында әкімдіктің кіші залында кәмелетке толмағандардың құқықтарын қорғауды қамтамасыз ету және зорлық-зомбылықтың алдын алу мақсатында Сәтбаев қаласының әкімі Асқар Ыдырысовтың төрағалығымен кеңес өтті.

Кеңесті жүргізген шаһар басшысы 2020 жылы кәмелетке толмағандарға қатысты қылмыстың 11 жағдайы, ал, биылғы жылдың басынан бері 1 жағдайдың тіркелгендігін атап кетті. Жалпы, есепке 56 қолайсыз отбасы алынған. Онда 75 кәмелетке толмаған бала тәрбиеленуде. Осы отбасылардың әлеуметтік портреті жасалып, 34 отбасы ерекше бақылауға алынған. Осы ретте жедел әрекет ету арнайы мобильді тобы құрылды. Барлық мектептер мен 3 колледжде 25 психолог маман қызмет атқарады. (далее…)

Халқымыздың тарихында ерекше атаулы күндер бар. Олар зор мәнге ие. Солардың бірі Тәжік-Ауған соғысы. Тәуелсіздікті мұрат еткен еліміздің қорғандары 1995 жылы Тәжік-Ауған шекарасында айбынды ерлік көрсетті. Қайтпас қайсарлық, беріспес батылдықтың ерен үлгісі болған жауынгерлеріміз мұздай қаруланған лаңкестермен
шайқасты.

1993 жылы Тәжікстанда азамат соғысы басталды. Осы кезеңде жаңадан құрылған ТМД елдерінің басшылары ұйымға мүше Тәжікстанға қолұшын беруге келісті. Елдің Ауғанстанмен шекараласатын аймағы қауіпті болғандықтан, бұл шептің қорғанысын нығайту үшін ТМД елдерінің Қазақстан, Өзбекстан, Қырғызстан, Ресей армиясынан жасақталған бітімгер жауынгерлері аттанды. Қазақ армиясының жауынгерлері бұл шекараны 8 жыл қорғады. Мыңдаған қазақстандық бұл шепте қызмет етті. Алайда, 1995 жылдың көктемінде аттанған топ қанды оқиғаға тап болады. Тәжікстан оппозициясының ірі қарулы тобы Пшихарв шатқалына жақын жүргені анықталып, бұл аймаққа шекаралық бекет тұрғызылды. Осы жылдың 7 сәуірінде заңсыз қаруланған топ шатқал маңында шекарашы жауынгерлерге оқ атып, қарулы қақтығыс орын алды. Бұл уақытта шекара шебін қазақстандық жетінші рота қорғап тұрған еді. Түс мезгілінде басталған ұрыс 5 сағатқа созылып, салдарынан 33 қазақстандық сарбаз жарақаттанса, 17-і қаза тапты. Содан бері бұл күн Ұлттық ұлан тарихында қайғылы күн болып мәңгілік есте қалды. (далее…)

«Билік сыйлаған тұлға – бір күндік, халық сыйлаған тұлға – мәңгілік» деген сөз бар. Міне, сол күллі халық қастерлеп, пір тұтқан тұлғалардың бірі – көзі тірісінде-ақ аты аңызға айналған даңқты батыр, көрнекті қоғам қайраткері, белгілі жазушы – Бауыржан Момышұлы. (далее…)

Кенді аймағымызды жан-жақты зерттеп, оның қазба байлықтарын игеру жөніндегі игі жұмыстар қазақтың ұлы ғалымы, академик – Қаныш Имантайұлы Сәтбаевтың есімімен тікелей байланысты. Оны еңбектеген баладан еңкейген қартқа дейін біледі десем артық айтқаным емес… (далее…)

Тұрғын үй-коммуналдық шаруашылық бөлімінің ажырамас міндеттерінің бірі қала аумағын абаттандыру, көгалдандыру, жарықтандыру, сондай ақ, санитарлық жағдайына бақылау жасау болып табылады. Сәтбаев қаласының тұрғын үй-коммуналдық шаруашылық бөлімінің басшысы Нұржан Кенжеғұлов өткен жылғы жұмыстың қорытындысын шығарып, 2021 жылға арналған жоспарларымен бөлісті.

– Былтырғы жылы атқарылған жұмыстар аз емес. 2020 жылы «Жұмыспен қамтудың жол картасы» бағдарламасы аясында Ұлытау-Абай көшелері мен Тәуелсіздік даңғылын, соның ішінде төрт саябақты абаттандыру және жаңа гүлзарлар салу жұмыстары орындалды. Бұдан бөлек халық көп демалатын орындарды анықтай отырып, жаяу жүргіншілер жолын салу, тротуарлар ауыстыру, жаңа орындықтар мен қоқыс жәшіктерін орнату, саябақ шырақтары мен шағын сәулет нысандарын қалыпқа келтіру сынды шаралар қолға алынды. «Тәуелсіздік» стеласына косметикалық жөндеу, балалар алаңдарында жаңа ойын кешендерін ауыстыру сынды жұмыстар жүргізілді», – дейді Сәтбаев қаласының ТКШ, ЖК, АЖ және тұрғын үй инспекциясы бөлімінің басшысы Нұржан Кенжеғұлов.

Бөлім басшысының айтуынша, қаланы абаттандыру шеңберінде тұрғындардың демалуы үшін Ұлытау көшесіндегі «Ұлы дала керуен жолы» саябағы және Абай көшесіндегі «Абай аллеясы» сынды екі жаңа орын пайдалануға берілсе, кішкентай бүлдіршіндер үшін 13 балалар ойын алаңы, және 5 жаттығу алаңы орнатылған. Нұржан Кенжеғұлов автокөлік жолдарын жөндеу барысында атқарылған жұмыстарға тоқталды. Өткен жылы 24 көшені қамтитын автокөлік жолдарына ағымдағы жөндеу жұмыстары жүргізілді. Сондай-ақ, Тәуелсіздік даңғылы, Гурба көшесі және Батыс ауданындағы жалпы ұзындығы 9,5 шақырым жолға орташа жөндеу жүргізіліпті. Бұдан бөлек Ұлытау, Абай, Ерден, Наурыз көшелері, Тәуелсіздік және Сәтбаев даңғылдары бойында 22 дана жаңа аялдама павильоны орнатылды. Осы аялдамаларда қала автобустары маршруттарының қозғалыс кестесі, ақпараттық және хабарландыру тақтасы қойылған. Ұлытау көшесіндегі көп пәтерлі және Шаталюк, Ерден көшелеріндегі 43 дана көп қабатты үйлердің қасбеттерін жөндеу жұмыстары жүргізілген. Көпқабатты тұрғын үй аулаларына 226 орындық, 485 қоқыс жәшігі, 283 евроконтейнер орнатылды.

Алтынгүл ТӨЛЕГЕНОВА.
Сурет автордікі.

Биыл қастерлі Тәуелсіздігімізге 30 жыл толады. Бұл – қайта жаңғыр­ған қазақ мемлекеттігінің, ата-бабаларымыз аңсаған азаттықтың тұғыры нығая түскенін әйгілейтін маңызды белес. Тарих тұрғысынан алғанда, отыз жыл – көзді ашып жұмғандай қас-қағым сәт. Дегенмен, бұл көптеген халықтар үшін қиындығы мен қуанышы, дағдарысы мен дамуы алмасқан тұтас дәуір деуге болады. Біз де осындай жолдан өтіп келеміз. (далее…)

«Біздің қазақ жер аты, тау атын жолда, сол ортаның сыр-сипатына қарай қоя білген жұрт. Қандай бір өлкеге барсақ та жер, су, жапан түзде кездескен кішкене бұлақ атының өзінде қаншама мән-мағына, шешілмеген құпия сыр жатады», – деген болатын Мұхтар Әуезов. (далее…)