Ұрпаққа ұлағатты ой тастады

Биылғы жылдағы айшықты шаралардың бірі де бірегейі – Сәтбаев қаласының 46 жылдық мерейтойы өткен аптаның соңында жоғары деңгейде аталып өтті. Торқалы тойдың шымылдығы Кеншілер алаңында «Ұлы дала мұрагерлері» форумымен ашылды.

Назарбаев Зияткерлік мектептері тәжірибесін таратуға бағытталып, асыл құндылықтарымызды қайта жаңғыртып, ұлттық бірегейлігімізді арттыру мақсатында ұйымдастырылған ауқымды шара ұстаздар мен оқушылардың, ата-аналардың басын қосты. Онда туған жерді аялау, атамекенді қастерлеуге мән берілді.

Жаңа сапалы білім беруге ауысудағы маңызды қадам қаланың барлық білім ордаларында НЗМ-нің тәжірибесін тарату болып табылады. Мектептер арасында байланысты нығайтуға бағытталған инновациялық форумда оқушылар ғылыми жәрмеңкелерді, шығармашылық алаңдарды, ашық лабораторияларды ұсынды. Мұндағы мақсат – Назарбаев Зияткерлік мектебіндегі білім беру саясатының іс-тәжірибесін тарату, шараға қатысушылар үшін жаңартылған білім беру моделінің ерекшеліктерін, баланың сыни ойлау дағдыларын дамыту сынды негізгі қағидаларды кең ауқымда таныстыру болатын.

Алаңда жағалай тігілген киіз үйлерде салт-дәстүрлеріміз жаңғыртылып, ұлттық тағам түрлерінен, жас қылқалам және қолөнер шеберлерінің шығармашылығынан көрме өткізілді. Қала атын ұлықтап, патриотизмді дәріптеу, отансүйгіштікке тәрбиелеу бағытындағы жұмыстарға сырлы бояуға жаны құмар көрермендер де атсалысты. Асқан шеберлікпен салынған портреттер, кеншілер шаһарының көркем көріністері назарға ұсынылды. Қаз-қатар ілінген картиналар әр кезеңнен сыр шертіп, тарихты қозғағандай болды. Көрмеге химия, биология, физика, математика сынды ғылымдарды игеруде арнайы жобаларды жасақтап отырған балалардың жұмысы қойылды. Сондай-ақ, саз және қыштан бұйымдар жасау, тоқыма және тігін шеберханасы, ағаш-металл және пластик материалдармен жұмыс, бейнелеу, киіз және жүн өнімдерінен дайындалған заттар ұсынылды. Читать полностью »

Шығармашылық шыңдау – басты бағыт

Баланың шығармашылық қабілетін дамыту, өнерге баулу – оның танымын кеңейтіп, дарынын байқаудың бірден бір жолы. Сондықтан, жастайынан шығармашылыққа бейімдеуде сан түрлі үйірмелер көмекке келеді. Бүгінде талай дарын мен таланттарды танып, қиялын шыңдаған Оқушылар сарайы осы мәртебелі міндетті абыроймен атқарып келеді. Өткен аптада қалалық мәслихат депутаттары сол іргелі өнер ордасында болып, тәрбиеленушілердің талабына тәнті болып қайтты.

Халық қалаулыларына алдымен мекеме басшысы Әсем Абдраймова толық түсінік бере кетіп, өнер ордасында атқарылып жатқан ауқымды жұмыстармен таныстырды. Бүгінде Оқушылар сарайы қала әкімдігінің қолдауымен жұмыс жасап келе жатқан мәдениет пен білімнің ордасы. Мұнда «Жасұлан» балалар мен жасөпірімдер ұйымымен қоса есептегенде 3676 бала 35 үйірмеде тәрбиеленуде. Келушілердің жас аралығында шектеу жоқ. Әр үйірмеде 4 пен 18 жас аралығындағы жастар білім алады. Бала санын көбейтуді мақсат еткен мекеме биылғы жылдан бастап инструменталды бөлімде қобыз және флейта аспаптарына қызығушылық танытқан балаларды үйретуге кірісті. Білікті мамандар тартылып, тәрбиеленушілердің шығармашылық қарым-қабілеттін арттыруда. Ұжым ерекшелігі бар балаларды да назардан тыс қалдырмай келеді. Мәселен, «Сурет өнері» үйірмесінде инклюзивті білім беру жүзеге асырылуда. Осыған орай ағымдағы жылдың желтоқсан айында «Біз өзгеміз, біз біргеміз» атты кең көлемде қалалық семинар өткізу жоспарлануда. Читать полностью »

Шалыс басқанға шарапат бар

Адам өз өмірінде сан түрлі жағдайларды бастан кешіреді. Тар жол, тайғақ кешуге толы өмірдің бұралаң жолдары байқаусызда қателікке ұрындыратыны және бар. Болмашы жанжал мен кесірі мол керіс темір торға тоғытуы мүмкін. Кейде шалыс басқанға шартты жаза тағайындалып, шарапат жасалады. Мұндай тізімге ілінгендер пробация қызметінің есебінде тұр. Олардың қоғамға бейімделуін қамтамасыз ету де кезек күттірмес мәселелер қатарында.

Қарағанды облысы бойынша Қылмыстық атқару жүйесі департаменті Сәтбаев қалалық пробация қызметі сот шешіміне сәйкес шартты жаза тағайындалғандармен жұмыс атқарады. Анығырақ айтсақ, бас бостандығынан айырмай жазаланғанды арнайы бақылауда ұстайды. Қайта қылмыс жасамауын қадағалаумен айналысады. Басты міндеті – қоғамға бейімдеу.

Сотталғанды әлеуметтік сауықтыру елімізде қалыптасқан құқықтық негізге ие. Онда жазаға кесілгенді қылмыстық атқару жүйесіне қарасты кәсіпорын мен мекемеге жұмысқа орналастыруға басымдық беріледі. Кейінгі кезде бизнес саласына да бетбұрыс жасалуда.
Қалалық пробация қызметінде жыл басынан бері 236 сотталған тұлға есептен өткен. Қазіргі таңда істі болған 130 азамат есепте тұрса, 106 тұлға сол есептен шығарылған. Олардың біршамасы сот үкімі тағайындаған міндеттерді дұрыс орындағаны үшін мерзімінен бұрын жазадан құтылған. Мәселен, жазасын сот шешіміне сай өтеп жатқан азаматтарға пробация қызметі ҚР Қылмыстық Кодексінің 72 бабына сай шарты түрде мерзімінен бұрын босату мақсатында сотқа қолдау хат жолдайды. Сот қанағаттандырған жағдайда азамат жаза өтеуден босатылады.

Әлеуметтік құқықтық көмек көрсету де бөлімнің басты міндеттері қатарында. Қолдаудың мұндай түрлері сотталған тұлғалардың жұмыссыздық жағдайын шешуге ықпал етуде оң әсерін беруде. Қалалық жұмыспен қамту бөліміне тіркелгендер арасында ағымдағы жылдың соңғы сегіз айында 24 азамат жұмысқа орналастырылды. Оның ішінде 5 азамат Сәтбаев қаласы әкімдігі бекіткен қаулы бойынша квотамен шаһардағы ірі мекемелерге орналасса, 19 тұлға жеке кәсіпкерлерде еңбек етуге мүмкіндік алды. Ал, әлеуметтік жағдайы төмен 4 тұлғаның отбасына «ҚАМҚОР» әлеуметтік қолдау орталығынан азық-түлік ретіндегі бір реттік көмек берілген. Читать полностью »

«Жақсылық жасаған сайын жаным жадырай түседі»

«Біреулерге өмірдің мәні көп ақшада, қымбат көлік пен зәулім үйде, шетелге шығып, саяхаттауда болса, мен үшін қайырымдылық жасауда. Көмегім арқылы қиындықтан құтылған адамдардың жүзіндегі риясыз күлкісі мен үшін зор бақыт. Одан басқа байлықтың керегі де жоқ» дейді жақсылық жасаған сайын жаны жадырай түсетін «алтын жүректі қыз» Мөлдір Шарефединова.

Мөлдірді қарапайым отбасылар, соның ішінде сәбилері ерекше ауыр диагнозбен туған аналар жақсы біледі. Себебі, оның қамқорлығы арқылы емделген бүлдіршіндерінің ішінде сауығып кеткендері де бар.

– Бұл жолды таңдауыма мені тағдырдың өзі итермеледі. Әпкемнің ауырғанын, қиналғанын көрдім. Мұндай адамдардың кез келген қамқорлыққа мұқтаж болатындығын түсіндім. Жақсылық жасасаң адамдардың бойында сенімділік, қуаныш пайда болады. Алға ұмтылады. Қиындықтармен күреседі. Осыған көзім жетті. Сондықтан аз қамтылған отбасыларға, балаларға көмектесуді қолға алуды ойладым. 2016 жылы «Аяла» еріктілер тобын құрдым. Басында отыздан аса адам осы топ құрамында құлшына жұмыс жасадық. Қазір қатарымыз сиреп қалды. Дегенмен, бұл бізге кедергі емес. Бастысы күш-жігеріміз тасып тұр. Бойымызда жалын, алдымызда мақсат бар. Осы бағыттағы жұмысымызды жалғастыра береміз, – дейді ол.

Қайырымдылық – адам бойындағы асыл қасиеттердің бірі. Мұқтаж жандардың қажетін өтеудегі ізгіліктің нақты көрінісі болып табылады. Игі істерге араласып, бар ықыласымен жұртқа қол ұшын беріп жүрген Мөлдір Қайратқызы 1996 жылы Сәтбаев ауылында дүниеге келді. Сәби кезінде анасынан айрылып, ыстық құшағын аңсап өсті. Әжесі Кенжеғара ана орнын жоқтатпай, бар мейірімін төккендіктен болар, өз қатарластарының алды болды. Ақыл мен сабырды дос тұтты. Есті қыз мектеп қабырғасында тоғыз жылдықты аяқтағаннан кейін бірден Сәтбаев индустриялдық колледжіне оқуға тапсырды. Аспаз мамандығын алып шыққаннан кейін «Алтын орда» мейрамханасында төрт жылдай даяшы болып еңбек етті. Тәжірибе жинақтады. Қонақ күту, дастархан жасау дәстүрін жан-жақты меңгерді. Читать полностью »

Судьбой одною связаны…

В минувшую пятницу наш город отметил день рождения. Главным торжествам, которые состоялись 13 сентября, предшествовало много других праздничных мероприятий – вручение сертификатов фондообразователям – представителям интеллигенции, среди которых были Почетные граждане города, регистрация рождения тысячного за прошедший год малыша в родильном доме, фестивали и форумы молодежи. И пусть формат и масштабы их были разные, все мероприятия объединяло одно – на каждом из них звучали признания в любви родному городу, воспевались герои-шахтеры.

Чтобы помнили

Нынешний день рождения города совпал с памятной датой – 120-летием со дня рождения великого сына казахского народа – Каныша Сатпаева, в честь которого когда-то была переименована шахтерская столица.

Имя Каныша Имантаевича неразрывно связано с Жезказганским регионом, где благодаря настойчивости и упорству геолога-ученого были обнаружены самые крупнейшие в мире на тот момент залежи медной руды. Около века прошло с тех пор, а память о легендарном геологе жива в сердце всего народа. Особенно почитают титанический труд в процветание региона наши земляки, которым посчастливилось работать с К.Сатпаевым, быть его учеником, а кому-то стать последователем дела всей жизни ученого. Именно эти воспоминания о талантливой личности вошли в сборник «Жүректерде жанған жұлдыз» («Звезда, сияющая в сердце»), презентованной в день города. Читать полностью »

Личные фонды пополнились

Накануне дня города личные фонды сатпаевцев были пополнены. В государственный архив для хранения и последующего использования были переданы документы и фотографии о жизни и трудовой деятельности Почетных граждан города Сатпаев – акына и айтыскера Ш.Дильдебаева, ветеранов здравоохранения К.Гигановой и М.Кожахметова, ветерана государственной службы М.Мадиевой и акына, писателя М.Тлеуова.

По этому случаю в городской централизованной библиотеке им.Б.Булкышева прошла церемония вручения сертификатов фондообразователям.

Открывая встречу, начальник государственного архива Ж.Дарибаев отметил, что архив является местом соединения прошлого, настоящего и будущего. Поэтому очень важно для сохранения связи времен корифеям своего дела помогать сохранить важные документы, рассказывающие о становлении и значимых событиях сферы, в которой они трудились, делиться фотографиями, представляющими особую ценность.

Имя каждого из основателей личного фонда хорошо знакомо сатпаевцам. Это люди, снискавшие уважение и почет своей безграничной преданностью выбранной профессии, внесшие большой вклад в развитие не только своей отрасли, но и родного города. Они являются прекрасным примером верности профессии и патриотизма, представляют собой живую историю края. Теперь благодаря личным фондам у каждого из нас появится возможность познакомиться с биографией лучших представителей своего времени. Читать полностью »

Профилактика передачи ВИЧ от матери к ребенку

ВИЧ-инфекция – медленно прогрессирующее заболевание, характеризующееся поражением иммунной системы с развитием (при естественном течении заболевания, без лечения) синдрома приобретенного иммунодефицита (СПИД). Угрожающими жизни человека клиническими проявлениями СПИДа являются оппортунистические (вторичные) инфекции и злокачественные новообразования. Читать полностью »

Өндірісте өнегелі із қалдырған

Бойынан қайсарлық пен күш-жігер аңғарылып тұратын адамдар болады. Еңбек ардагері Батырбек Ашықбайұлын солардың қатарына жатқызсақ, қателеспейміз. Өйткені, ол шыңырауда шыңдалған, жастық жалынын өндіріске арнаған адам.

Әрине, еңбектен тапқан бақыт қашанда баянды болмақ. Еңбексүйгіштігі мен төзімділігі, тындырымды тірлігі өміріне арқау болған кейіпкеріміз Оңтүстік Қазақстан облысы Қазығұрт ауданының тумасы. Десек те балалық шағы ата-бабасына құтты қоныс болған Сәтбаев қаласында өтті.

– Ұлытауда «Көбекші бұлағы» деген үлкен атамның бұлағы болған. Кезінде Ерден Сандыбайұлы сыйға тартса керек. Алпыс екінші жылдары оңтүстіктен атамекенге қоныс аудардық. Шынкеңнің төртіншісіне қоныстанып, өсіп-өрбідік. Балалы-шағалы болдық, – деп әңгіме тиегін ағытты Батырбек Ашықбайұлы.

1968 жылы Ресейдің Ленинград қаласындағы танк дивизиясында Отан алдындағы борышын өтеуге аттанған жас жігіт аман-есен келгеннен кейін бірден өндіріске араласады. Алғашқы еңбек жолын Оңтүстік Жезқазған кенішінің №45 шахтасында бұрғылаушы-аттырушы болып бастады.

– Жүгі ауыр, жауапкершілігі жоғары жұмысыма бармасам, біртүрлі қымбат нәрсемді жоғалтқандай болатынмын. Мүмкін, мұның бәрі еңбекке ерте араласқанымнан шығар? Әкем мен анам бар ғұмырын балалардың тәлім-тәрбиесіне арнаған ғажап адамдар еді. Солардың тәрбиесі шығар қандай іс болмасын ешқашан шаршаған емеспін. Керісінше, жұмыс істеуден тынығып, ләззат алатынмын, – дейді бүгінде жетпістің екеуіне келсе де өзін тың да ширақ сезінетін Батырбек Ашықбайұлы. Читать полностью »

Жалпыхалықтық диктант өтті

Аптаның басында қаламызда латын әліпбиіне негізделген жалпыхалықтық диктант өтті. Республиканың барлық өңірін қамтыған акциядан біздің қала да шет қалған жоқ. Қаламыздың барлық колледждерінде және орта оқу орындарында, мектепке дейінгі мекемелерде мектеп оқушылары, студенттері, ұстаздары, сонымен қатар мәдениет, спорт, медицина, коммуналдық шаруашылық, энергетика және басқа да салалардың қызметкерлеріне жаппай диктант өткізілді.

Жалпы, акция Президент жарлығымен қабылданған жаңа латын әліпбиі негізінде өтті. Диктантты жазу туралы алдын ала ақпараттандыру жұмыстары жүргізіліп, дидактикалық материалдар таратылды.

Жалпыхалықтық диктант жазуға қалалық полиция қызметкерлері де бесенділік танытты. Қырық жеті қызметкер диктант жазған шараны Сәтбаев қаласы мәдениет және тілдерді дамыту бөлімінің бас маманы Мадинат Игенберлина жүргізді. Ол тыңдаушыларды латын негізінде қазақ әліпбиімен, әсіресе, төл дыбыстардың жазылуымен таныстырды. Диктант «Бәсекелестік қабілет» тақырыбында жазылды. Бекітілген диктант мәтіні 95 сөзден құрылып, ұзақтығы 30 минутқа созылды. Сондай-ақ, диктант арнайы белгіленген орындарда жүргізілді. Читать полностью »

Мәңгілік ел – мәңгілік тіл

Ана тілін жырлап өткен талайлар,
Жырлап өткен Ыбырай мен Абайлар.
Қасиетті менің ана тілімде
Өшпес мәңгі алаулаған арай бар.

Тіл – мемлекеттің тұғырлы тірегі, халықтың рухани байлығы. Қазақ тілі – біздің рухани негізіміз. Әр халықтың өзінің ана тілі бар. Тілім менің – таусылмайтын байлығым. Ана тілі арқылы алғашқы әліппені таныдым. Содан бері міне, ана тіліммен сөйлеп, құрметтеп келемін. Өз тарихымды танып білдім.

Туған тіліміздің абыройын асқақтату – әрбір азаматтың борышы. Себебі, біздің болмысымыз, салт-дәстүріміз, дініміз, мәдениетіміз осы тілімізде жатыр. Сондықтан да біз туған еліміздің мемлекеттік тілін білуге міндеттіміз. Өйткені, тіл – ата-бабамыздың бізге қалдырған аманаты. Тілдің көмегімен өнерді, білімді, ғылымды игереміз, өткен-кеткенімізді саралап, сабақ аламыз. Демек, біздің міндетіміз – қазақ тілінің мәртебесін асыру болмақ. Осы тұста Тұңғыш Президентіміз, Елбасының «Қазақ пен қазақ қазақша сөйлессін», – деген ұлағатты сөзін ескермей кету мүмкін емес. Читать полностью »